ఇంట్లో ఇప్పుడు చెప్పే మొక్కలు పెంచండి, ఒక్క దోమ కూడా మీ ఇంట్లోకి రాదు

వర్షకాలం రాగానే చాలా మంది ఇంట్లో రకరకాల చెట్లు పెట్టాలనుకుంటారు. కొందరైతే ఇంటిని గార్డెన్‌లా మారుస్తారు కూడా. అదే ఇష్టంతో మరో బెనిఫిట్ కూడా ఉంది. అదేంటంటే దోమల్ని దూరం చేయడం. అవునండి, మీరు చెట్లు పెంచుతూనే దోమల్ని రాకుండా చేయాలంటే కొన్ని చెట్లని పెంచాలి. వాటిని ఇంట్లో పెట్టినా, బయట నాటినా దోమలు దరిచేరవు. వీటి వల్ల ఉపయోగం ఏంటంటే మీకు చెట్లని పెంచాలనే కోరిక తీరుతుంది. పైగా ఎలాంటి కెమికల్స్ వాడకుండానే దోమల్ని తరిమికొట్టినవారవుతారు. ఒక్క దెబ్బకి రెండు పిట్టల్లా అది భలే పనిచేస్తుంది. మరి అందుకోసం ఏయే చెట్లు పెంచాలో తెలుసుకోండి.

బంతిపూల చెట్లు

బంతిపూలు అంటే చాలా మందికి ఇష్టం. పండుగలు రాగానే వీటిని చక్కగా మాలలా చేసి గుమ్మాలు, దేవుడి పటాలకి వేస్తారు. ఈ పూల చెట్లని చక్కగా ఇంట్లో పెంచుకోండి. వీటి వల్ల ఇంటికి అందమే కాదు, దోమల బెడద కూడా తప్పుతుంది. ఈ పూల వాసన చాలా సిట్రస్, కాస్తా ఘాటుగా ఉంటాయి. దీని వల్ల తెగులు వంటివి కూడా రావు. ఈ బందిపూలు తలుపులు, కిటికీలు, సాధారణ దోమల ప్రవేశ ప్రదేశాల దగ్గర పెట్టండి. దీంతో దోమలు ఎక్కువగా వృద్ధి చెందవు.

బంతిపూల చెట్లు

తులసి చెట్లు తెలియని తెలుగు గుమ్మం ఉంటుందా. హిందూ సాంప్రదాయంలో ఎంతో ముఖ్యమైన ఈ తులసి చెట్టుని ఇంట్లో పెంచడం వల్ల కూడా దోమలు చాలా వరకూ రాకుండా చేస్తాయట. తులసి మొక్క అద్భుతమైన సహజ దోమల వికర్షకం. దోమల్ని తిప్పికొట్టాలంటే చక్కగా కుండిలో పెంచండి.

యూకలిప్టస్

యూకలిప్టస్.. వీటిని చిన్నతనంలో చూసేవాళ్లం కానీ, వాటి గొప్పతనం అప్పుడు తెలియదు. వీటి ఆకుల్ని ఎక్కువగా మరిగించి ఆ నీటితో స్నానం చేస్తే దెబ్బకి దెబ్బనొప్పులన్నీ పరారైపోతాయి. ఇందులోని ప్రత్యేక వాసనకి దోమల్ని తరిమికొట్టే గుణం ఉంది. వీటిని ఒక్కటి మీ ఇంటి చుట్టుపక్కల పెంచండి. చాలా వరకూ దోమలు రాకుండా ఉంటాయి. దీనిని బాల్కనీ, కిటికీ పక్కన పెట్టండి. చాలా వరకూ లోపలికి వచ్చే దోమలు ఈ వాసన చూసి అటే పారిపోతాయి.

రోజ్మేరీ

ఈ మధ్యకాలంలో ఈ రోజ్మేరీకి ఉన్న డిమాండ్ అంత ఇంత కాదండి. జుట్టు సమస్యల్ని దూరం చేయడంలో రోజ్మెరీకి సాటి లేదనే చెప్పాలి. ఇందులో నుంచి మంచి ఫ్లేవర్ వస్తుంది. కాక్టస్‌లానే ఈ మొక్కలు ఉంటాయి. ఇవి ఎక్కువగా ఎండ ఉన్న ప్రాంతంలో పెరుగుతాయి. నీరు కూడా తక్కువే అవసరం. వీటిని నేరుగా ఎండలోనే పాట్‌లో పెట్టి పెంచొచ్చు. ఇంట్లో పెంచినప్పటికీ ఎండతగిలేలా చూడండి.

పుదీనా

పుదీనా మొక్క. ఒక్కసారి నాటితే కుండి మొత్తం, నేల మొత్తం పాకుతుంది. దీనిని వంటల్లో వాడొచ్చు. చక్కగా హెర్బల్ టీలా చేసుకోవచ్చు. వీటి సువాసన ఎంతో బాగుంటుంది. దీని వల్ల ఎన్నో లాభాలు ఉన్నాయి. ఆరోగ్యానికి మేలు చేసే పుదీనా.. ఆ చెట్టుని నాటడం వల్ల కూడా మనకి దోమల్ని దూరం చేసి ఇండైరెక్ట్‌గానే ఆరోగ్యాన్ని కాపాడుతుంది. ఒక్కసారి నాటి చూడండి. వీటి ఘాటైన వాసనకి దోమలు రానే రావు. ఇంకేంటంటే ఈ పుదీనా ఆకులతో నూనెని తయారుచేసి కౌంటర్ టాప్ క్లీన్ చేస్తే కూడా క్రిమీ, కీటకాలు రాకుండా ఉంటాయి.