రక్తదానం చేశాక తీసుకోవాల్సిన కొన్ని జాగ్రత్తలు

రక్తదానం.. అతి ముఖ్యదానాల్లో రక్తదానం ఒకటి. దీనికి గుర్తుగానే ప్రపంచ రక్తదాతల దినోత్సవాన్ని ప్రతి సంవత్సరం జూన్ 14 న జరుపుకుంటారు. ఈ రోజున రక్తదానం ప్రాముఖ్యత, రక్తదానంపై ప్రజలకి అవగాహన కల్పిస్తారు.

రక్తదానం చేయడం మంచిదే, చేసే ముందు, తర్వాత కొన్ని జాగ్రత్తలు తీసుకోకపోతే మనకి మంచిది కాదు, తీవ్ర సమస్యలొస్తాయ్ జాగ్రత్త

రక్తదానం చేయడమంటే ఒకరి ప్రాణాలను కాపాడడమే. ఒకరు అత్యవసర పరిస్థితిలో ఉన్నప్పుడు రక్తాన్ని దానం చేయడం వల్ల ప్రాణాపాయ స్థితి నుంచి కాపాడొచ్చు. కాబట్టి, రక్తం ఇచ్చేవారు ప్రాణాలు కాపాడే దేవుళ్లతో సమానం. అయితే, రక్తం ఇవ్వడం సరే, చేసేటప్పుడు, చేసిన తర్వాత ఎలాంటి జాగ్రత్తలు తీసుకోవాలనే విషయాలు కచ్చితంగా తెలుసుకోవాలి.

మనం రక్తం ఇచ్చినవారే కాకుండా మనం కూడా హెల్దీగా ఉండాలంటే ముందుగానే అన్నీ విషయాలపై అవగాహన అవసరం. సమచారం మొత్తం తెలుసుకున్న తర్వాతే దానం చేసేందుకు ముందుకెళ్లండి.

హెల్త్ చెకప్

మీరు బ్లడ్ డొనేట్ చేయబోయే ముందు మీకు ఏదైనా ఇన్ఫెక్షన్, జలుబు, దగ్గు, కడుపు నొప్పి ఉంటే రక్తదానం చేయకపోవడమే మంచిది. దీని వల్ల సమస్యలొచ్చే అవకాశం ఉంది. కాబట్టి, రక్తదానం చేసేటప్పుడు ఈ ప్రాబ్లమ్స్ లేకుండా చూసుకోండి. దీంతో పాటు ముందుగానే ఓ సారి డాక్టర్ చేత చెక్ చేయించుకోవడం మంచిది. టాటూస్ ఇప్పుడు చాలా ఫ్యాషన్‌గా మారింది. అయితే మీరు టాటూ వేసుకుంటే మాత్రం రక్తదానం చేయలేరని గుర్తుంచుకోండి.

నీరు తాగడం

​రక్తదానానికి ముందు నీరు తాగడం చాలా ముఖ్యం. ముఖ్యంగా రక్తం ఇవ్వడానికి ముందు కనీసం అరలీటర్ నీరు తాగాలి. ఒకేసారి ఎక్కువ నీరు తాగే బదులు, తక్కువ టైమ్‌లో ఎక్కువ నీరు తాగాలి. దీంతో డీ హైడ్రేట్ కాకుండా ఉంటారు. డీహైడ్రేషన్ కారణంగా, తలతిరగడం, నీరసం, అలసట వంటివి జరుగుతాయి. కాబట్టి, ఆ సమస్య రాకుండా ముందుగానే నీరు తాగాలి.

డైట్

డైట్ విషయంలో కూడా చాలా జాగ్రత్తగా ఉండాలి. రక్తం ఇవ్వాలనుకున్నప్పుడు ఐరన్ ఎక్కువగా ఉండే ఆహారాన్ని తీసుకోండి. రక్తదానం చేశాక కూడా ఐరన్ ఫుడ్స్, ఆకుకూరలు, ప్రోటీన్ ఎక్కువగా ఉండే ఫుడ్స్ తీసుకోవాలి. ఫాస్ట్ ఫుడ్, ప్రాసెస్డ్ ఫుడ్స్, ఫ్యాట్ ఫుడ్స్ తీసుకోవద్దు.

డ్రెస్

మీరు రక్తదానం చేయాలనుకున్నప్పుడు మోచేతులపైకి ఉండే స్లీవ్స్ ఉన్న డ్రెస్ వేసుకోండి. దీంతో రక్తాన్ని తీసుకునేటప్పుడు ఎలాంటి ఇబ్బంది ఉండదు. అదే విధంగా, హాయిగా, రెస్ట్ తీసుకోండి. మ్యూజిక్ వినండి. టెన్షన్ లేకుండా హాయిగా ఉంటే రక్తదానం వల్ల వచ్చే సైడ్ ఎఫెక్ట్స్ తగ్గుతాయి. రక్తదానానికి ముందు ఆల్కహాల్ తీసుకోవద్దు. దీంతోపాటు ముందు రోజు మంచి నిద్ర అవసరం. 7 నుంచి 9 గంటల నిద్ర చాలా అవసరం. ఎంత రెస్ట్ తీసుకుంటే అంత మంచిది. రక్తదానం చేసే రోజు కష్టమైన వర్కౌట్స్ చేయాల్సిన అవసరం లేదు. మరీ అవసరమైతే కొద్దిపాటి వర్కౌట్స్ చేయాలి.

రక్తదానం తర్వాత

రక్తదానం తర్వాత కొన్ని నిమిషాల పాటు రెస్ట్ తీసుకోండి. కుకీస్, ఇతర స్నాక్స్ తీసుకోండి. నీరు తీసుకోండి. స్ట్రిప్ బ్యాండేజ్‌ని అలానే ఉంచండి. దద్దర్లు లాంటి సమస్య రాకుండా ఉండేందుకు సబ్బు, నీటితో క్లీన్ చేయండి. ఏమైనా బ్లీడింగ్ లాంటిది అవుతుంటే చేయిని పైకి ఉంచండి.

తలతిరిగితే

అదే విధంగా తలతిరగడం, నీరసంగా ఉంటే కాసేపు అలానే ఉండండి.

ఐరన్ ఎక్కువగా ఉండే ఫుడ్ ఐటెమ్స్ తీసుకోవాలి. మల్టీవిటమిన్స్ తీసుకోండి.

సమస్య ఎక్కువగా ఉంటే డాక్టర్‌ని కలవండి.