ఐర్లాండ్లో పెరుగుతున్న దాడులు – భారత రాయబార కార్యాలయం అలర్ట్
international | Suryaa Desk | Published : Fri, Aug 01, 2025, 09:33 PM
ఐర్లాండ్లో భారతీయులపై దాడుల సంఖ్య పెరుగుతున్న నేపథ్యంలో, పౌరుల భద్రతపై ఆందోళన వ్యక్తమవుతోంది. ఈ నేపథ్యంలో, భారత రాయబార కార్యాలయం అక్కడ భారతీయులకోసం ముఖ్యమైన భద్రతా సూచనలు (అడ్వైజరీ) జారీ చేసింది.‘‘ప్రతికూల సమయాల్లో ప్రజలెత్తిన ప్రాంతాల్లోకి వెళ్లడం నివారించాలి. వ్యక్తిగత భద్రతకు ప్రాధాన్యత ఇవ్వాలి. అవసరమైతే వెంటనే ఎంబసీని సంప్రదించండి’’ అని సూచించింది. ఇందుకోసం అత్యవసర నెంబర్లు 0899423734 మరియు cons.dublin@mea.gov.in అనే ఇమెయిల్ను అందుబాటులో ఉంచింది.జులై 19న డబ్లిన్ శివారులోని తల్లాగ్ట్ ప్రాంతంలో, డాక్టర్ సంతోష్ యాదవ్ అనే భారతీయ పౌరుడు జాత్యాహంకార దాడికి గురయ్యారు. కొందరు స్థానిక యువకులు ఆయనపై విశ్వరూప దాడికి పాల్పడి, ముఖం, ఛాతీ, కాళ్లు, చేతులపై తీవ్ర గాయాలు చేశారు. చివరికి పోలీసులకు సమాచారం అందించి ఆసుపత్రిలో చేర్పించబడిన ఆయన, సోషల్ మీడియాలో తన భయానక అనుభవాన్ని వివరించారు.తాజాగా ఈ ఘటనపై స్పందించిన భారత రాయబారి అఖిలేశ్ మిశ్రా, బాధిత కుటుంబానికి అవసరమైన సాయం అందిస్తున్నామని తెలిపారు. ఇదిలా ఉండగా, ఈ దాడిని ఖండిస్తూ అక్కడి భారతీయ సమాజం నిరసనకు దిగింది.బస్సులు, నివాస ప్రాంతాలు, వీధుల్లో ఇలా జాత్యహంకార దాడులు సాధారణమైపోయాయని స్థానికులు ఆందోళన వ్యక్తం చేస్తున్నారు. అయితే విదేశీ పౌరులపై జరుగుతున్న ఈ దాడులపై అధికారులు తగిన చర్యలు తీసుకోవడంలేదనే విమర్శలు వినిపిస్తున్నాయి.
|
|