స్వాతంత్య్ర దినోత్సవం సహా ఆ రోజుల్లో బంద్,,,బ్యాంకులకు వరుస సెలవులు

బ్యాంకులకు ఈ వారంలో వరుస సెలవులు వస్తున్నాయి. ఆగస్టు 15, 2025 రోజున స్వాతంత్య్ర దినోత్సవం సందర్భంగా బ్యాంకులకు దేశ వ్యాప్తంగా హాలిడే ఉంటుంది. ఆ తర్వాతి రోజు ఆగస్టు 16వ తేదీన శ్రీ కృష్ణ జన్మాష్టమి సందర్భంగా పలు ప్రాంతాల్లో సెలవు ఉంటుంది. అలాగే ఆగస్టు 17వ తేదీన ఆదివారం రోజున బ్యాంకులకు జనరల్ హాలీడే ఉంటుంది. వరుసగా మూడు రోజుల పాటు బ్యాంకులకు సెలవు ఉంటుంది. అలాగే ఈ వారంలో ఆగ్సుట 13 సైతం సెలవు ఉంటుంది.

ఆగస్టు 13, 2025 తేదీన మణిపుర్ రాష్ట్రం పాట్రియట్స్ డే ఉంటుంది. ఈ నేపథ్యంలో అక్కడి ప్రాంతంలో ఆ రోజు బ్యాంకులు, గవర్నమెంట్ ఆఫీసులకు సెలవు ఉంటుంది. ఇక ఈ సంవత్సరం ఆగస్టు నెల బ్యాంకులకు దాదాపు 15 రోజుల పాటు సెలవులు ఉన్నాయి. అయితే ప్రాంతాల వారీగా ఈ సెలవులు మారుతుంటాయి. రిజర్వ్ బ్యాంక్ ఆఫ్ ఇండియా (ఆర్‌బీఐ) విడుదల చేసిన బ్యాంకు సెలవుల లిస్ట్ ప్రకారం ఈ ఆగస్టు నెలలో బ్యాంకులకు 15 రోజులు సెలువు ఉండనున్నాయి.

ఆగస్టులో బ్యాంక్‌ హాలిడేస్‌..

ఆగస్టు 13వ తేదీన పాట్రియట్స్ డే సందర్భంగా ఇంఫాల్‌ మణిపూర్‌లో సెలవు ఉంటుంది.

ఆగస్టు 15వ తేదీన స్వాతంత్య్ర దినోత్సవం పురస్కరించుకుని దేశవ్యాప్తంగా బ్యాంకులకు హాలీడే ఉంటుంది.

ఆగస్టు 16వ తేదీన శ్రీ కృష్ణ జన్మాష్టమి పురస్కరించుకుని అహ్మదాబాద్‌, ఐజ్వాల్‌, చండీగఢ్‌, భోపాల్‌, చెన్నై, గ్యాంగ్‌టక్‌, డెహ్రాడూన్‌, హైదరాబాద్‌, జైపూర్‌, కాన్పూర్‌, జమ్ము, లక్నో, పాట్నా, రాంచీ, రాయ్‌పూర్‌, షిల్లాంగ్‌, విజయవాడ, శ్రీనగర్‌‌లో బ్యాంకులకు సెలవు ఉంటుంది.

ఆగస్టు 17వ తేదీన ఆదివారం సందర్భంగా బ్యాంకులకు సాధారణ సెలవు ఉంటుంది.

ఆగస్టు 19వ తేదీన మహారాజా బిర్ బిక్రమ్ కిషోర్ బహదూర్ జయంతి పురస్కరించుకుని త్రిపుర ప్రాంతంలో బ్యాంకు హాలీడే ఉంటుంది.

ఆగస్టు 23వ తేదీన నాలుగో శనివారం సందర్భంగా బ్యాంకులకు దేశ వ్యాప్తంగా జనరల్ హాలీడే ఉంటుంది.

ఆగస్టు 24వ తేదీన ఆదివారం రోజున బ్యాంకులకు జనరల్ హాలీడే ఉంటుంది.

ఆగస్టు 25వ తేదీన అస్సోంలో శ్రీమంత శంకరదేవ తిరుభావ తిథి పురస్కరించుకుని బ్యాంకులకు హాలిడే ఉంటుంది.

ఆగస్టు 27వ తేదీన గణేశ్‌ చతుర్థిని పురస్కరించుకుని బ్యాంకులకు దేశవ్యాప్తంగా సెలవు ఉంటుంది.

ఆగస్టు 28వ తేదీన గణేష్ చతుర్థి రెండో రోజు సందర్భంగా బ్యాంకులకు పలు ప్రాంతాల్లో హాలీడే ఉంటుంది.