చియాసీడ్స్‌ ఇలా వాడితే బట్టతల ప్యాచెస్‌పై కూడా జుట్టు

కొంతమందికి జుట్టు విపరీతంగా రాలిపోతుంది. ఏం చేసినా సమస్య తగ్గదు. అలాంటప్పుడు ట్రీట్‌మెంట్స్ తీసుకోవడం, సప్లిమెంట్స్ వాడడం, సరైన జాగ్రత్తలు తీసుకోవడం చేస్తుంటారు. అయితే, ఇవి మాత్రమే కాకుండా కొన్ని ఇంటి చిట్కాలు సమస్యని కంట్రోల్ చేస్తాయి. రోజులో కొంత జుట్టు రాలడం సాధారణమే. చాలా మందికి, రాలిన జుట్టు బదులు కొత్త జుట్టు పెరుగుతుంది. దీంతో పెద్దగా ఇబ్బంది అనిపించదు. కానీ, ఆరోగ్యం బాలేకపోవడం, ఒత్తిడి, వృద్ధాప్యం, వారసత్వ కారణాల వల్ల జుట్టు కొంతమందికి వివపరీతంగా రాలిపోతుంది. కానీ, తిరిగి పెరగవు. దీంతో జుట్టుపై చాలా మందికి ప్యాచెస్ ఏర్పడతాయి. వీటిని సరిచేయడానికి కొన్ని ఇంటి చిట్కాలు హెల్ప్ చేస్తాయి. అందులో ఒకటి చియా సీడ్స్, రైస్ వాటర్ కాంబినేషన్. ఈ రెండు కూడా వేటికవే ప్రత్యేక గుణాలు కలిగినవి. వీటి వల్ల జుట్టు సమస్యలు చాలా వరకూ తగ్గుతాయి. సాధారణంగా ఒకటి వాడడం వల్ల జుట్టుకి ఎనలేని ప్రయోజనాలు ఉంటాయి. ఇక రెండింటికాంబో ఎలా పనిచేస్తుందో తెలుసుకుందాం.

కావాల్సిన పదార్థాలు

అరకప్పు బియ్యం

1 లేదా రెండు టేబుల్ స్పూన్ల చియా సీడ్స్

2 కప్పుల నీరు

అలోవెరా జెల్

కొద్దిగా రోజ్‌మెరీ లేదా లావెండర్ ఆయిల్(ఆప్షనల్)

డ్రై హెయిర్ అయితే ఆలివ్ ఆయిల్

బియ్యం నీరు

​బియ్యం నీరు జుట్టుపై టానిక్‌లా పనిచేస్తుంది. ఈ నీటిలో అమైనోయాసిడ్స్ , బి విటమిన్స్ ఉంటాయి. ఇవన్నీ కూడా జుట్టుని బలంగా చేసి ఇరిటేషన్‌ని తగ్గిస్తాయి. రెగ్యులర్‌గా బియ్యంనీటిని ఎలా వాడినా జుట్టు సమస్యలు తగ్గుతాయి. జుట్టు ఒత్తుగా, పట్టుకుచ్చులా మెరుస్తుంది.

చియా సీడ్స్

చియా సీడ్స్ చూడ్డానికి ఎంతో చిన్నగా ఉంటాయి. కానీ, ఒమేగా 3, ప్రోటీన్, జింక్, బయోటిన్‌ వంటి పోషకాలు పుష్కలంగా ఉన్నాయి. వీటిని నానబెట్టినప్పుడు జెల్‌‌లా మారతాయి. ఇవి మీ స్కాల్ప్‌ని హైడ్రేట్ చేస్తాయి. ఈ రెండింటిని కలిపి రాయడం వల్ల బాల్డ్ ప్యాచెస్‌పై కూడా జుట్టు తిరిగి మొలుస్తుంది.

ఏం చేయాలి?

ముందుగా బియ్యాన్ని శుభ్రంగా కడిగి నీటిలో 20 నుంచి 30 నిమిషాల పాటు నానబెట్టాలి.

అరగంట తర్వాత ఆ నీటిని వడబోయండి.

ఇప్పుడు అందులో చియా సీడ్స్ వేసి 15 నుంచి 20 నిమిషాల పాటు నానబెట్టండి.

మీకు నచ్చితే ఎసెన్షియల్ ఆయిల్ వేసి కలపండి.

ఇందులోనే అలోవెరా జెల్ కూడా వేసి కలపండి.

మీది డ్రై హెయిర్ అయితే ఆలివ్ ఆయిల్ వేసి కలపండి.

దీని ఓ బాటిల్‌లో వేసి ఫ్రిజ్‌లో స్టోర్ చేయండి. ఇది వారం వరకూ తాజాగానే ఉంటుంది.

ఎలా వాడాలి

ముందుగానే తలస్నానం చేసిన చేసిన జుట్టుపై కాస్తా తడిగా ఉన్నప్పుడే ఈ జెల్‌ని డైరెక్ట్‌రాయండి.

కాసేపు మసాజ్ చేయండి. మసాజ్ చేయడం వల్ల రక్తప్రసరణ పెరుగుతుంది.

దీనిని అరగంట నుంచి గంట వరకూ ఉంచండి.

తర్వాత గోరువెచ్చని నీటితో కడగండి.

దీనినే వారానికి 2 నుంచి 3 సార్లు చేయండి.

బెనిఫిట్స్

ఇలా రాయగానే మ్యాజిక్‌లా జుట్టు పెరగదు. మెల్లిమెల్లిగా పెరుగుతుంది. ముందుగా ప్యాచెస్ చుట్టూ బేబిహెయిర్ వస్తుంది. తర్వాత స్మూత్ హైడ్రేట్‌గా మారి జుట్టు పెరగడం స్టార్ట్ అవుతుంది. కనీసం 6 నుంచి 12 వారాల తర్వాత మీరు నోటిస్ చేస్తారు.

టిప్స్

ఇవి వాడే ముందు ప్యాచ్ టెస్ట్ చేయడం మంచిది.

వారానికంటే ఎక్కువరోజులు దీనిని ప్రిపేర్ చేయొద్దు.

దీంతో పాటు గుడ్లు, పాలకూర, నట్స్ వంటి ఫుడ్స్ తినడం అలవాటు చేసుకోండి.

ఒత్తిడిని తగ్గించుకోండి.

ఇన్ని వాడాక కూడా సమస్య తగ్గకపోతే డాక్టర్‌ని కలవడం మంచిది.