తనకంటే 8 ఏళ్ల పెద్దదైన పంతులమ్మను ప్రేమించాడు....చివరకు ఎంత పని చేసిందంటే?

అతడింకా బడిలోనే చదువుతున్నాడు. వయసు కూడా కేవలం 18 ఏళ్లే. ఈ వయసులోనే అతడికి తన స్కూళ్లో పాఠాలు చెబుతున్న ఉపాధ్యాయురాలిపై ప్రేమ పుట్టింది. ఈ వయసులో ఉండేది ఆకర్షణే అయినా.. అదేమీ అర్థం చేసుకోని అతడు పీకల్లోతూ ప్రేమలో మునిగిపోయాడు. తనకంటే వయసులో 8 ఏళ్లు పెద్దదని తెలిసి కూడా ఆమెను పెళ్లి చేసుకోవాలనుకున్నాడు. అయితే గత రెండేళ్లుగా ఆమెను చూస్తూ.. ప్రేమించిన ఇతడు ఓసారి ధైర్యం చేసి టీచర్‌కు ప్రేమ విషయం చెప్పాడు. దీంతో ఆమె పాఠశాల ప్రధానోపాధ్యాయుడికి ఫిర్యాదు చేయగా.. అతడు బాలుడిని స్కూళ్లోంచి పంపించి వేశాడు.

ప్రస్తుతం అతడు వేరే బడిలో చదువుతున్నా.. ఈ పంతులమ్మపై ప్రేమను చంపుకోలేదు. నిత్యం ఆమె వచ్చీపోయే దారుల్లో నిల్చుంటూ.. ఆమెపై కామెంట్లు చేస్తూ వస్తున్నాడు. అయితే స్వాతంత్ర్య దినోత్సవం సందర్భంగా ఆ టీచర్ చీర కట్టుకుని బడికి వెళ్తుంది. రోడ్డుపై ఆమెను చీరలో చూసిన బాలుడు పిచ్చి కూతలు కూశాడు. దాన్ని ఏమాత్రం జీర్ణించుకోలేకపోయిన ఆమె మరోసారి బడిలో ఫిర్యాదు చేసింది. దీంతో అతడి తల్లిదండ్రులకు చెప్పారు. ఇలా మళ్లీ తనపై టీచర్ ఫిర్యాదు చేసిందనే కోపంతో.. పెట్రోల్ తీసుకుని ఆమె ఇంటికి వెళ్లాడు. గట్టిగా ఆమెను పిలిచి మరీ ఒంటిపై పెట్రోల్ పోశాడు. ఆపై ఆమె తేరుకునేలోపే అగ్గిపుల్ల గీసి పైన వేశాడు. అనుకోకుండా జరిగిన ఈ ఘటనతో ఆమె షాక్ అవ్వగా.. కేకలు వేసింది. విషయం గుర్తించిన స్థానికులు ఆమెను ఆస్పత్రిలో చేర్పించారు.

ఈ ఘటన మధ్యప్రదేశ్‌లో చోటు చేసుకుంది. సూర్యాంశ్ కోచర్ అనే 18 ఏళ్ల విద్యార్థి.. తాను చదువుతున్న బడిలోనే ఉపాధ్యాయురాలిగా పని చేస్తున్న 26 ఏళ్ల ఉపాధ్యాయురాలిపై మనసు పాడేసుకున్నాడు. రెండేళ్లుగా అతడు ఆమెను ప్రేమిస్తుండగా.. ఓసారి ధైర్యం చేసుకుని విషయం చెప్పాడు. దీంతో ఉపాధ్యాయురాలు ప్రధానోపాధ్యాయుడు, అతడి తల్లిదండ్రులకు చెప్పగా.. సూర్యాంశ్ కోచర్‌ను వేరే స్కూళ్లోకి మార్చారు. అక్కడికి వెళ్లినా ఇతడు ఉపాధ్యాయురాలి వెనుక తిరుగుతూనే ఉన్నాడు. అయితే ఎప్పుడూ ఆమె వచ్చే రోడ్డుపై ఉండే అతడు.. స్వాతంత్ర్య దినోత్సవం రోజు ఆమె చీర కట్టుకుని రాగా అసహ్య కామెంట్లు చేశాడు.

దీంతో తీవ్ర ఆగ్రహానికి గురైన ఆ టీచర్ మళ్లీ ప్రధానోపాధ్యాయుడికి, సూర్యాంశ్ కోచర్ తల్లిదండ్రులకు ఫిర్యాదు చేసింది. ఇలా మరోసారి గొడవ జరగా.. ఆమెపై కోపం పెంచుకున్నాడు. ఈక్రమంలోనే ఆగస్టు 18వ తేదీ సోమవారం రోజు సాయంత్రం 3 గంటలకు ఆమె ఇంటికి వెళ్లాడు. వెంట ఓ బాటిళ్లో పెట్రోల్ కూడా తీసుకెళ్లాడు. గేటు తోసుకుంటూ లోపలికి వెళ్లిన సూర్యాంశ్ కోచర్ టీచర్‌ను పిలిచాడు. గట్టిగా అరుస్తూ రచ్చ చేయగా.. ఆమె పరుగుపరుగున బయటకు వచ్చింది. ఇలా ఆమె రాగానే సూర్యాంశ్ ఆమెపై పెట్రోల్ పోసి నిప్పంటించేశాడు. ఆపై పారిపోయాడు.

ఇలా ఒక్కసారిగా జరిగిన ఘటనతో ఆమె కేకలు వేయగా.. స్థానికులు వచ్చి ఆమెను ఆస్పత్రిలో చేర్పించారు. 15 శాతం కాలిన గాయాలతో ఆమె ప్రస్తుతం చికిత్స పొందుతోంది. అదృష్టవశాత్తు.. ఆమె ప్రాణాలకు ఎలాంటి ప్రమాదం లేదని వైద్యులు తెలిపారు. మరోవైపు ఆమె కుటుంబ సభ్యుల ఫిర్యాదు మేరకు.. కేసు నమోదు చేసుకున్న పోలీసులు సూర్యాంశ్ కోచర్‌ను అరెస్ట్ చేశారు. 124ఏ సెక్షన్ కింద కేసు పెట్టి మరింత లోతుగా దర్యాప్తు చేస్తున్నారు.