ఇండక్షన్ స్టౌ వాడుతున్నారా, ఎలా వాడితే సమస్యలు రాకుండా వంట త్వరగా పూర్తవుతుందంటే

వంట చేయడానికి ఇదివరకటి రోజుల్లో కట్టెలపొయ్యి, బొగ్గుపొయ్యి వాడేవారు రాన్రాను ఇదే గ్యాస్ స్టౌకి మారిపోయింది. మధ్యలో హీటర్స్ కూడా వచ్చినప్పటికీ దాని వాడకం కాస్తా ప్రమాదం. దానినే ఇంకా అప్‌గ్రేడ్ చేసినట్లుగా ఇండక్షన్ కుక్ టాప్స్ వచ్చాయి. వీటిని మనం గ్యాస్ లేకుండానే వాడొచ్చు. కరెంట్ ఉంటే చాలా చక్కగా క్షణాల్లో వంట చేసేయొచ్చు. దీనిపై స్మార్ట్ బేస్ ఉండి కింద హై ఫ్రీక్వెన్సీ ఇండక్షన్ కాయిల్‌ని ఉంచడంతో వంట సామాగ్రిని అయస్కాంత క్షేత్రంతో వేడి చేస్తుంది. దీంతో నేరుగా వంటపాత్రల్ని పెట్టి వండుకోవచ్చు. అసలు వీటిని సరైన విధంగా, ఎలా వాడాలి, ఎలా క్లీన్ చేయాలి. పూర్తి వివరాలు తెలుసుకోండి.

స్పెషల్ ప్యాన్స్

అయితే, ఇక్కడ గుర్తించాల్సిన విషయం ఏంటంటే ఇండక్షన్ కుక్‌టాప్‌పై అన్నీ వంటసామాగ్రిలను పెట్టలేం. వాటికంటూ ప్రత్యేకమైన పాన్స్ ఉండాలి. ఆ పాత్రల్లో దిగువన ఐరన్‌తో తయారుచేయాలి. వాటిని ఇండక్షన్ స్టౌపై వాడడానికి అనుకూలంగా ఉందో లేదో తెలుసుకోవడానికి అయస్కాంతాన్ని వాడొచ్చు. అది పాన్‌బేస్‌కి అంటుకుంటే దీనిని వాడొచ్చు. పైగా ఈమధ్యకాలంలో చాలా పాత్రలు ఇండక్షన్ కుక్‌టాప్‌పై వాడడానికి అనుగుణంగా తయారుచేస్తున్నారు.

ఇండక్షన్ కుక్‌టాప్‌ని ఎలా వాడాలి

ముందుగా ఇండక్షన్ కుక్‌టాప్‌ని ఆన్ చేయాలి. ప్రతి మోడల్ పవర్ బటన్, నాబ్ తిప్పడం వంటివన్నీ వేర్వేరుగా ఉంటాయి. వీటిని ముందుగా గమనించి ఆన్ చేయండి.

వంటని బట్టి

ఇందులో మనం ప్రిపేర్ చేసే వంటని బట్టి ఆప్షన్స్ ఉంటాయి. వేడి చేయడం, మరిగించడం, వంట చేయడం ఇలా ప్రతీదానికి వేర్వేరు ఆప్షన్స్ ఉంటాయి. వాటని సెట్ చేసుకుని వంట చేయండి. దీంతో మీ వంట చాలా త్వరగా ఉడుకుతుంది.

వంట పూర్తయ్యాక

ఇండక్షన్ కుక్‌టాప్‌పై కచ్చితంగా ఇండక్షన్ కుక్‌టాప్‌ని ఆఫ్ చేయండి. మీరు ఇందులో టైమ్ సెట్ చేసి కూడా పెట్టొచ్చు. దీంతో వంటని అలానే చూస్తూ ఉండకపోయినా మనం సెట్ చేసిన టైమ్‌కి ఆఫ్ అయిపోతుంది. తర్వాత పవర్ బటన్ ఆఫ్ చేయండి.

ఎందుకు వాడాలి

ఇండక్షన్‌లో వంట చేసినప్పుడు వేడి సరిగ్గా తాకుతుంది. దీంతో వంట త్వరగా పూర్తవుతుంది. ఇండక్షన్ మొత్తం వేడి అవ్వదు. దీంతో వాడేటప్పుడు కూడా అంతగా ఇబ్బంది ఉండదు. వంట తర్వాత దీనిని ఈజీగా క్లీన్ చేయొచ్చు. ఇవి త్వరగా వేడెక్కుతాయి. డయల్‌ని తిప్పకుండా, బటన్ నొక్కకుండానే ఆపరేట్ చేసే ఆప్షన్స్ కూడా చాలా ఇండక్షన్స్‌లో ఉంటాయి.

ఎక్కువగా ఎనర్జీ ఎఫిషియెన్సీ ఉంటుంది. దీంతో త్వరగా ఆహారం వేడి అవుతుంది. గ్యాస్ స్టౌ కంటే త్వరగా వంట పూర్తవుతుంది.

ఇండక్షన్ కుక్ టాప్స్ వాడడం ఈజీ. క్లీన్ చేయడం ఈజీ.

ఇండక్షన్ కుక్‌టాప్స్ టెంపరేచర్ పరంగా వర్క్ అవుతాయి.

వాడే ముందు జాగ్రత్తలు

అయితే, గ్యాస్ స్టౌ, ఇండక్షన్ స్టౌని ఒకే దగ్గర ఉంచొద్దు. వేర్వేరు చోట ఉంచితే మంచిది.

ఎక్స్‌టెన్షన్ బాక్స్‌కి ఇండక్షన్ ప్లగ్స్ పెట్టేబదులు ఫిట్ చేసిన పగ్స్‌కే వీటిని ప్లగ్ చేయాలి.దీనిని క్లీన్ చేసినప్పుడు నీరు వాడకపోవడమే మంచిది. వేడిగా ఉన్నప్పుడు మాత్రమే కాకుండా చల్లారక మెత్తని క్లాత్‌తో తుడవండి.

ఈ ఇండక్షన్ కుక్‌టాప్స్ బ్రేక్ అయినా, వైర్‌లో ఏదైనా పగుళ్లు వచ్చినా, తెగిపోయినా వాటిని వాడకపోవడమే మంచిది. ఈ స్టౌని మెటల్‌పై పెట్టడం, స్టౌ చుట్టూ మెటల్ వస్తువులు పెట్టడం మంచిది కాదు.