రూ.10 ఆశ చూపి రూ. 6 లక్షలు కొట్టేశారు

ఈజీ మనీకి అలవాటుపడిన సైబర్ కేటుగాళ్లు రోజుకో తరహా వేషాలతో మోసాలకు పాల్పడుతున్నారు. అమాయకులను టార్గెట్‌గా చేసుకొని వారి అత్యాశను పెట్టుబడిగా పెట్టి బురిడీ కొట్టిస్తున్నారు. మెున్నటి వరకు లక్కీ డ్రాలు, ఖరీదైన గిఫ్టులు, ఈ కేవైసీలు అంటూ మోసాలకు పాల్పడ్డారు. తాజాగా సైబర్ నేరస్థులు మరో మందుడుగు వేసి ఫోన్ పే, గూగుల్ పే వంటి యాప్‌ల ద్వారా మోసాలు చేస్తున్నారు. తాజాగా.. హైదరాబాద్ పాతబస్తీకి చెందిన ఓ పూజరిని పూజల పేరుతో మోసం చేసారు. రూ10 ఆశ చూపించి రూ. 6 లక్షలు కొట్టేశారు.

పాతబస్తీ పురానాపూల్‌కు చెందిన ఓ పూజారికి ఆర్మీ అధికారిగా ఓ సైబర్ కేటుగాడు ఫోన్ చేసి పరిచయం చేసుకున్నాడు. 'మా కర్నల్ ఆరోగ్యం బాగోలేదు. ఆయన కోలుకోవడానికి 21 మంది పండితులతో 11 రోజులపాటు ప్రత్యేక పూజలు చేయాలి. దానికి మీరు సహకరించాలి' అని చెప్పి నమ్మించాడు. అందుకు రూ.6 లక్షలు ఇస్తామని చెప్పారు. ముందుగా అడ్వాన్స్‌గా రూ.3 లక్షలు ఇస్తామని.. తర్వాత మిగతా మొత్తం చెల్లిస్తామని చెప్పాడు. నమ్మకం కలిగించడానికి తొలుత రూ.10 ఫోన్‌పే ద్వారా పంపించాడు. వెంటనే మరో నంబర్‌కి వీడియో కాల్‌ చేసి ఆర్మీ యూనిఫాం వేసుకున్న వ్యక్తి కనిపించాడు. ఇదే పూజారికి నమ్మకం పెరగడానికి కారణమైంది.

ఆపై 'డబ్బు ట్రాన్స్‌ఫర్ అవుతోంది, మీరు యాప్‌ ఓపెన్ చేయండి' అంటూ పూజారిని ఫోన్‌పే, గూగుల్‌పే యాప్‌లు ఓపెన్ చేయించుకొని డెబిట్ కార్డు నంబర్‌, పిన్ నంబర్లను తెలుసుకున్నాడు. ఆ తర్వాత విడతలవారీగా మొత్తం రూ.5,99,999 పూజారి ఖాతా నుంచి బదిలీ చేయించుకున్నారు. ఆ మరుక్షణే కాల్ కట్ కావటం, డబ్బు లావాదేవీలు జరగకపోవడంతో పూజారి తాను మోసపోయానని గుర్తించాడు. వెంటనే సీసీఎస్ సైబర్‌క్రైమ్ పోలీసులకు ఫిర్యాదు చేశారు. కేసు నమోదు చేసుకున్న పోలీసులు విచారణ చేపట్టారు. సైబర్ నేరాల పట్ల ప్రజలు అప్రమత్తంగా ఉండాలని పోలీసులు సూచిస్తున్నారు. ఆర్మీ, పోలీస్, బ్యాంకు అధికారులు ఎప్పుడూ ఫోన్‌ ద్వారా పిన్ నంబర్లు, ఓటీపీ అడగరని స్పష్టం చేశారు. అనుమానాస్పద కాల్స్ లేదా మెసేజ్‌లు వస్తే వెంటనే 1930 సైబర్‌ క్రైమ్ హెల్ప్‌లైన్ లేదా