జపాన్ నుంచే ట్రంప్‌కి హెచ్చరిక.. చైనాతో బంధంపై మోదీ కీలక వ్యాఖ్యలు

జపాన్ పర్యటనలో చైనాతో సంబంధాలపై ప్రధాన మంత్రి నరేంద్ర మోదీ ఆసక్తికర వ్యాఖ్యలు చేశారు. చైనాతో బలమైన సంబంధాలు చాలా కీలకమని, ఇవి ప్రాంతీయ , శ్రేయస్సు, శాంతిపై సానుకూల ప్రభావం చూపుతాయని, ప్రపంచ ఆర్థిక వ్యవస్థకు స్థిరత్వాన్ని తీసుకొస్తాయని అన్నారు. ద్వైపాక్షిక సంబంధాలు బలోపేతమే లక్ష్యంగా రెండు రోజుల జపాన్ పర్యటనకు వెళ్లిన మోదీ... భారత్ కొనుగోలుచేయాలనుకుంటోన్న అధునాతన బుల్లెట్ రైలు ఈ10 షింకాన్‌సెస్ తయారీ పరిశ్రమ సహా నాలుగు ఫ్యాక్టరీలను సందర్శిస్తారు. అలాగే, రక్షణ, వాణిజ్య, టెక్నాలజీ, వ్యాపారం రంగాల్లో ఒప్పందాలు చేసుకోనున్నారు.

తెల్లజుట్టు వచ్చిందని బాధపడకండి, షాంపూ తర్వాత ఇప్పుడుచెప్పే నీటితో జుట్టుని క్లీన్ చేస్తే నేచురల్‌గానే జుట్టు నల్లబడుతుంది

జపాన్ పర్యటన ముగించుకుని అటు నుంచి అటే మోదీ చైనాకు పయనమవుతారు. షాంఘై కో-ఆపరేషన్ ఆర్గనైజేషన్ (ఎస్‌సీఓ)లో పాల్గొంటారు. ఎస్‌సీఓలో రష్యా, ఇరాన్, కిజికిస్థాన్, కిర్గిస్థాన్, పాకిస్థాన్, తజికిస్థాన్, ఉజ్బెకిస్థాన్, బెలారస్‌లు కూడా సభ్యులుగా ఉన్నాయి. మోదీ జపాన్ మీడియాతో మాట్లాడుతూ.. ‘ఎస్‌సీఓ శిఖరాగ్ర సదస్సు కోసం చైనా అధ్యక్షుడు షీ జిన్‌పింగ్ ఆహ్వానం మేరకు ఇక్కడ నుంచి తింయాజిన్ (చైనా)కు వెళ్తున్నాను.. గతేడాది రష్యాలోని కజాన్‌లో జిన్‌పింగ్‌తో భేటీ తర్వాత మా ద్వైపాక్షిక సంబంధాల్లో స్థిరమైన, సానుకూల పురోగతి ఉంది’ అని మోదీ వ్యాఖ్యానించారు.

‘‘భూమిపై రెండు అతిపెద్ద దేశాలైన భారత్, చైనాల మధ్య స్థిరమైన, స్నేహపూర్వక ద్వైపాక్షిక సంబంధాలు ప్రాంతీయ, అంతర్జాతీయ శాంతి, శ్రేయస్సుపై సానుకూల ప్రభావం చూపుతాయి..’అని ఇటీవల ఢిల్లీలో చైనా విదేశాంగ మంత్రి వాంగ్ యీతో జరిగిన భేటీ అనంతరం మోదీ వ్యాఖ్యానించారు. ‘ఇది భిన్నధ్రువ ఆసియా, ప్రపంచానికి కూడా అత్యంత ముఖ్యం’ అని అన్నారు.

ఉక్రెయిన్‌- రష్యా యుద్ధం, గాజాపై ఇజ్రాయెల్ దాడులు, అమెరికా 50 శాతం సుంకాలతో తలెత్తిన ప్రపంచ ఆర్థిక, భౌగోళిక రాజకీయ సంక్షోభాన్ని భారత్ ఎదుర్కొంటుంది. ఈ తరుణంలో ఎస్‌సీఓ సభ్య దేశాధినేతల శిఖరాగ్ర సమావేశం జరుగుతోంది. అయితే, అమెరికా అధినేత ట్రంప్ అదనపు సుంకాల నిర్ణయం దశాబ్ద కాలంగా భారత్, చైనాల మధ్య కొనసాగుతోన్న సైనిక ఉద్రిక్తతలకు పరిష్కరించుకునేంతలా చేరువ చేసింది.