దోమలు, ఈగలు, పురుగులు ఇంట్లో నుంచి తరిమేందుకు కాయిల్స్

ఇంట్లోకి దోమలు, ఈగలు వర్షాకాలంలోనే ఎక్కువగా వస్తాయి. అలాంటప్పుడు ఏం చేసి వీటిని దూరం చేయాలో తెలియక చాలా మంది ఇన్‌స్టంట్ రిలీఫ్ కోసం బయట దొరికే కాయిల్స్, స్ప్రేలు వాడతారు. ఇందులో ఎక్కువగా కెమికల్స్ ఉంటాయి. వీటిని మనం కూడా పీల్చడం వల్ల దగ్గు, జలుబు, ముక్కుపట్టేయడం, శ్వాసకి సంబంధించిన సమస్యలొస్తాయి.

కేవలం అంతేకాదు దోమలు కుట్టడం వల్ల మలేరియా, డెంగీ వంటి సమస్యలే కాకుండా జికా వైరస్‌ల వంటివి కూడా వస్తాయి. పిల్లల విషయంలో మరింత జాగ్రత్తగా ఉండాలి. వారికి ఒక్కసారి సమస్య వస్తే ఎంత డబ్బు ఖర్చుపెట్టినా మళ్లీ సమస్య త్వరగా తగ్గదు. కాబట్టి, ఎలాంటి సైడ్ ఎఫెక్ట్స్ లేకుండా దోమలు, ఈగల్ని, కీటకాల్ని ఎలా దూరం చేయాలో తెలుసుకోండి.

లెమన్ యూకలిప్టస్ ఆయిల్

ఇది సహజంగానే ఈగలు, దోమల్ని దూరం చేసే గుణాలని కలిగి ఉంటుంది. యూకలిప్టస్ ఆయిల్‌లో దోమల్ని చాలా వరకూ దూరం చేయగలదు. దీంతో ఎలా కీటకాల్ని తగ్గించాలంటే ఓ భాగం లెమన్ యూకలిపస్ట్ ఆయిల్‌ని 10 వంతుల సన్‌ఫ్లవర్ ఆయిల్‌ని కలపాలి. దీనిని ఎక్కువగా కలిపి దోమలు ఉన్నచోట స్ప్రే చేయండి. దీంతో దోమలు రావు. అయితే, 3 సంవత్సరాల కంటే తక్కువ వయసున్న పిల్లలపై వాడొద్దు.

లావెండర్ ఆయిల్

​లావెండర్ ఆయిల్‌కి కూడా దోమల్ని తరిమికొట్టే గుణాలు ఉన్నాయి. ఇందులో నొప్పి నివారణి, యాంటీ ఫంగల్, క్రిమినాశక గుణాలు ఉన్నాయి. దోమకాటుని తగ్గించి చర్మాన్ని శాంతపరచడంలో ఈ ఆయిల్ బాగా పనిచేస్తుంది. దీనికోసం మీరు లావెండర్ ఆయిల్‌ని నేరుగా స్ప్రే చేయొచ్చు. లేదా కొద్దిగా నీటితో కలిపి స్ప్రే చేయండి. ఇక ఓ క్లాత్‌పై లావెండర్ ఆయిల్ వేసి చర్మానికి రాసుకుంటే దోమలు కుట్టవు.

సినమన్ ఆయిల్

సినమన్ ఆయిల్‌లో కూడా కీటకాలకి వ్యతిరేకంగా పనిచేసే గుణాలు ఉంటాయి. దీనికోసం ఓ వంతు నీటిలో పావు వంతు సినమన్ ఆయిల్‌ కలపండి. దీనిని మీరు మీపై, బట్టలపై చిన్నపిల్లలపై స్ప్రే చేయండి. ఇది కొన్నిసార్లు ఇరిటేట్‌గా అనిపిస్తుంది. అలాంటప్పుడు దీనికి దూరంగా ఉండడం మంచిది.

టీట్రీ ఆయిల్

టీట్రీ ఆయిల్ కూడా మంచి ఎసెన్షియల్ ఆయిల్‌. ఇందులోని యాంటీ మైక్రోబయల్, యాంటీ ఇన్‌ఫ్లమేటరీ గుణాలు కీటకాలని దూరం చేస్తుంది. దీనిని వాడడం వల్ల దోమలు, ఈగల వంటివి రావు. దీనిని కొద్దిగా నీటితో కలిపి స్ప్రే బాటిల్‌లో పోసి ఇంట్లో స్ప్రే చేయండి. దోమలు ఎక్కువగా తిరిగే చోట, నేలపై మూలమూలలో స్ప్రే చేయండి.

వేప నూనె

వేప ఎంత చేదుగా ఉంటుందో అంత ఎఫెక్టివ్‌గా పనిచేస్తుంది. దీనిలోని గుణాలు చర్మంపై చికాకుని దూరం చేస్తాయి. దీని వల్ల దోమల ద్వారా వచ్చే సమస్యలు రావు. దీంతో దోమల్ని దూరం చేసేందుకు నీరు, లోషన్, ఆయిల్ ఎందులో అయినా కొద్దిగా వేప నూనె వేసి ఒంటికి రాయడం, లేదా ఇంట్లో స్ప్రే చేయడం వంటివి చేయండి. దీని వల్ల దోమలు, ఈగలకి చెక్ పెట్టేయొచ్చు.

ఇప్పుడు చెప్పేవన్నీ నేచురల్‌వే. వీటి వల్ల చాలా వరకూ సైడ్ ఎఫెక్ట్స్ నుంచి తప్పించుకోవచ్చు. అయితే, ఎవరికైనా ఏ టిప్‌తో అయినా ఇబ్బందిగా అనిపిస్తే వేరే టిప్ ఫాలో అవ్వడం మంచిది.