రూ.10కే బంగారం, వెండి కొనొచ్చు.. సూపర్ ఛాన్స్

తులం బంగారం ధర లక్ష రూపాయల పైన కొనసాగుతోంది. అయితే, ఇప్పుడు మీరు కేవలం రూ.10 తోనే కొనుగోలు చేయవచ్చు. బంగారం, వెండి ధరలు భారీగా పెరుగుతున్న ఈ సమయంలో పెట్టుబడి పెట్టి మంచి లాభాలు అందుకోవచ్చు. పది రూపాయలతోనే బంగారం, వెండిలో పెట్టుబడి ప్రారంభించే అవకాశం లభించింది. సాధారణ ఖర్చులను సైతం పెట్టుబడులుగా మార్చుకోవచ్చు. ఇన్‌క్రెడ్ గ్రూప్‌ రిటైల్ వెల్త్ టెక్ విభాగం ఇన్‌క్రెడ్ మనీ ఈ అవకాశం కల్పిస్తోంది. దేశంలోని అగ్రగామి రిఫైనరీ అయిన ఎంఎంటీసీ పాంప్ భాగస్వామ్యంతో డిజిటల్ గోల్డ్, సిల్వర్ పెట్టుబడులను తీసుకొచ్చింది.

తమ వినియోగదారులు రూ.10తో పెట్టుబడి పెట్టడమే కాదు ఎప్పుడు కావాలంటే అప్పుడు రిడీమ్ చేసుకోవచ్చని తెలిపింది. నగదు రూపంలో అయినా పెట్టుబడులు తీసుకోవచ్చు. లేదా 24 క్యారెట్ల మేలిమి బంగారం, వెండి గానూ సురక్షితంగా ఇంటికే డెలివరీ చేసే సౌకర్యం కల్పిస్తున్నట్లు ఇన్‌క్రెడ్ మనీ తెలిపింది. ఒక్క క్లిక్‌తో కొనుగోలు చేసి ఎప్పుడైనా అమ్ముకోవచ్చని, వెంటనే బ్యాంకు ఖాతాలో డబ్బులు బదిలీ చేసుకోవచ్చని తెలిపింది. ఫిజికల్ గోల్డ్, సిల్వర్ కొనుగోలు చేసే వారు 24 క్యారెట్లు (99.9 శాతం స్వచ్ఛమైన బంగారం) నాణేలు, కడ్డీల రూపంలో రిడీమ్ చేసుకోవచ్చని తెలిపింది.

ఎంఎంటీసీ-పాంప్ నుంచి లభించే ఉత్పత్తులు స్విస్ నాణ్యతా ప్రమాణాలతో తయారవుతుందని పేర్కొంది. ప్రత్యేక సీరియల్ నంబర్ సహా అస్సేయర్ సర్టిఫికేట్ మింటెడ్ కార్డులో ప్యాకింగ్ చేసి అందిస్తారు. ఇందులో చిన్న మొత్తాలతో పెట్టుబడి ప్రారంభించి దీర్ఘకాలంలో పెద్ద మొత్తంలో కూడబెట్టుకునే అవకాశం ఉన్నట్లు తెలిపింది. తమకు కావాల్సిన స్థాయికి చేరుకున్న తర్వాత తమ పెట్టుబడులను నగదు గా కానీ, లేదా బంగారం, వెండి రూపంలోనూ రిడీమ్ చేసుకోవచ్చని పేర్కొంది. భవిష్యత్తు ధరల ఒడుదొడుకుల నుంచి రక్షణ పొందే వీలు ఉంటుందని పేర్కొంది. అలాగే సంప్రదాయ బంగారం, వెండి కొనుగోళ్లతో ఎదురయ్యే ఇబ్బందులు, పొదుపు సమస్యలను ఈ డిజిటల్ విధానం పరిష్కరిస్తుందని పేర్కొంది. చిన్న మొత్తాల్లో ఇన్వెస్ట్ చేసి కావాల్సినప్పుడు అమ్ముకునే వీలుంది కాబట్టి లక్విడిటీ లభిస్తుందని తెలిపింది.

ఇంక్రెడ్ మనీ డిజిటల్ గోల్డ్, సిల్వర్ స్కీమ్ ద్వారా కేవలం 10 రూపాయలతో పెట్టుబడి ప్రారంభించవచ్చు. ఇంక్రెడ్ మనీ యాప్ ద్వారా వెంటనే కొనుగోలు చేయడం, కావాల్సిన సమయంలో విక్రయించడం వంటివి చేయవచ్చు. లైవ్ మార్కెట్ ధరలతో పారదర్శకత ఉంటుందని, రోజు వారీ, వారానికి ఒకసారి, నెల వారీ సిప్ సౌకర్యం కల్పిస్తున్నారు. డీమ్యాట్ అకౌంట్ సైతం అవసరం లేదు. పూర్తిగా డిజిటల్ విధానంలో సులభంగా క్రయ విక్రయాలు జరపవచ్చు.