సెంట్రల్ గవర్నమెంట్ జాబ్స్: ఇండియన్ నేవీలో ఉద్యోగాలకు ఈరోజే లాస్ట్ డేట్
national | Suryaa Desk | Published : Tue, Sep 02, 2025, 09:20 PM
భారీ జీతాలతో ఇండియన్ నేవీలో ఉద్యోగాలు భర్తీకి నోటిఫికేషన్ విడుదలైంది. నిరుద్యోగ యువతకు ఇది ఓ మంచి అవకాశం. స్కిల్డ్ ట్రేడ్స్మెన్ పోస్టులకు మొత్తం 1315 ఖాళీలు ఉన్నాయని ఇండియన్ నేవీ ప్రకటించింది. వీటిలో రెగ్యులర్ పోస్టులు 1266, బ్యాక్లాగ్ పోస్టులు 49 ఉన్నాయి.ఈ ఉద్యోగాలకు దరఖాస్తు చేసుకోవడానికి అభ్యర్థులు కనీసం 10వ తరగతి (SSC) పాస్ అయి ఉండాలి. అదనంగా ITI సర్టిఫికేట్ ఉన్నవారు అర్హులు. సంబంధిత ట్రేడ్లో అనుభవం ఉంటే మరింత ప్రాధాన్యం లభిస్తుంది.ఎంపికైన వారికి నెలకు రూ.19,900 నుంచి రూ.63,200 వరకు జీతం ఇవ్వబడుతుంది. అలాగే ప్రభుత్వ ఉద్యోగ భద్రత, పెన్షన్, మెడికల్, ట్రావెల్ అలవెన్స్, ప్రమోషన్ అవకాశాలు కూడా ఉంటాయి.అభ్యర్థుల వయస్సు కనీసం 18 ఏళ్లు, గరిష్టం 25 ఏళ్లు ఉండాలి. OBCలకు 3 ఏళ్ల, SC/STలకు 5 ఏళ్ల, దివ్యాంగులకు 10 ఏళ్ల వయోపరిమితి సడలింపు ఉంది.ఈ ఉద్యోగాలకు దరఖాస్తు చేసుకోవడానికి 2025 సెప్టెంబర్ 2 చివరి తేదీగా నిర్ణయించారు. దరఖాస్తులు అధికారిక వెబ్సైట్ https://indiannavy.gov.in లో మాత్రమే ఆన్లైన్ ద్వారా సమర్పించాలి.ఎంపిక రాత పరీక్ష, ట్రేడ్ టెస్ట్ ద్వారా జరుగుతుంది. రాత పరీక్షలో జనరల్ నాలెడ్జ్, ఇంగ్లీష్, మ్యాథ్స్, ట్రేడ్ సంబంధిత ప్రశ్నలు ఉంటాయి. ట్రేడ్ టెస్ట్లో ప్రాక్టికల్ నైపుణ్యాలను పరీక్షిస్తారు.
|
|