22 క్యారెట్ల బంగారం ధర మలబార్, తనిష్క్, జోయాలుక్కాస్ లో ఎంత

బంగారం ధరలు ఇటీవలి కాలంలో భారీగా పెరుగుతున్నాయి. అధిక సుంకాల అనిశ్చితులు, అమెరికా ఫెడరల్ రిజర్వ్ వడ్డీ రేట్ల తగ్గింపు అంచనాల వంటి ప్రధాన కారణాలతో బంగారం రేట్లు రికార్డ్ స్థాయిలో దూసుకెళ్తున్నాయి. భారతీయుల విషయానికి వస్తే బంగంరా అంటే కేవలం ఒక పెట్టుబడి మార్గమో, ఒక ఖనిజమో కాదు అంతకు మించి. భారతీయుల సంస్కృతి, సాంప్రదాయాలు, ఉత్సవాలకు బంగారానికి విడదీయరాని బంధం ఉంది. బంగారం ఒక వ్యక్తి సామర్థ్యాన్ని, ఆర్థిక స్థితిని సూచిస్తుంది. దీపావళి, అక్షయ తృతీయ, పెళ్లిళ్లు, కుటుంబ ఉత్సవాల వంటి ప్రత్యేక కార్యక్రమాల్లో బంగారం ఉపయోగిస్తారు. మహిళలు ఆభరణాలుగా ధరిస్తారు. దీంతో మన దేశంలో బంగారానికి ఎప్పుడూ ఫుల్ డిమాండ్ ఉంటుంది. ఏడాది పొడవునా కొంటూనే ఉంటారు.

అయితే, ఇప్పుడు బంగారం ధరలు భారీగా పెరుగుతున్న సంగతి తెలిసిందే. ఈ క్రమంలో ప్రముఖ జువెలరీ బ్రాండ్స్‌లో సెప్టెంబర్ 8, 2025వ తేదీన 22 క్యారెట్ల బంగారం (ఆభరణాల తయారీ గోల్డ్ ధర) రేట్లు ఎలా ఉన్నాయో తెలుసుకుందాం. అయితే, ఈ కథనంలో సూచిస్తోన్న నగల తయారీ బంగారం ధరల్లో ఎలాంటి జీఎస్టీ, మేకింగ్ ఛార్జీల వంటివి కలపడం లేదు. ప్రాంతాలను బట్టి పన్నులు, ఛార్జీలు మారుతుంటాయని గమనించాలి.

తనిష్క్ జువెలరీలో సెప్టెంబర్ 8, 2025 సోమవారం రోజున సాయంత్రం 5 గంటల ప్రాంతంలో 22 క్యారెట్ల బంగారు నగలకు తులం రేటు రూ. 99,750 వద్ద ఉంది.

మలబాహ్ గోల్డ్ అండ్ డైమండ్స్‌లో ఇవాళ 22 క్యారెట్ల బంగారం ఆభరణాల రేటు తులానికి రూ. 99,850 వద్ద ఉంది.

జోయాలుక్కాస్‌లో సెప్టెంబర్ 8వ తేదీన సాయంత్రం బంగారం ధరలు చూస్తే 22 క్యారెట్ల బంగారు నగలు తులానికి రూ. 99,850 వద్ద ఉంది. ముంబై, బెంగళూరు, ఢిల్లీ, అహ్మదాబాద్ వంటి ఆన్‌లైన్ స్టోర్స్‌లోనూ ఇదే ధర ఉంది.

కల్యాణ్ జువెలర్స్‌లో సోమవారం రోజు సాయంత్రం ఆభరణాల బంగారం (22 క్యారెట్లు) తులానికి రూ. 99,850 వద్ద ఉంది. ముంబై, ఢిల్లీ, బెంగళూరు, అహ్మదాబాద్ వంటి ప్రాంతాల్లోనూ ఇదే ధర చూపిస్తోంది.

బంగారం ఆభరణాల ధర ఎలా లెక్కిస్తారు?

బంగారం నగల ధరలను లెక్కించేందుకు జువెలర్స్ ఒక ఫార్ములానూ ఉపయోగిస్తారు. తుది బంగారం నగ ధర= (బంగారం ధర x (ఎన్ని గ్రాములు)) + మేకింగ్ ఛార్జీలు + జీఎస్టీ 3 శాతం + హాల్ మార్కింగ్ ఛార్జీలు