అల్లం పేస్ట్చే ఇలా స్తే నెలలైనా తాజాగానే ఉంటుంది

చికెన్ అయినా, మటన్ అయినా, గుడ్డు కూరైనా, మసాలా కూరైనా ఓన్లీ నాన్‌వెజ్‌టేరియన్ మాత్రమేనా, వెజిటేరియన్‌లో కూడా గుత్తి వంకాయల్లాంటి మసాలా పెట్టి చేసే కూరల్లో అల్లం ప్రత్యేక రుచిని ఇస్తుందని ప్రత్యేకంగా చెప్పాల్సిన అవసరం లేదు. ​అంతేకాదు, ఆరోగ్యానికి కూడా చాలా మంచిది. ఎప్పుడైనా సరే, వీటిని ఎప్పటికప్పుడు చేస్తే ఆ ఫ్రెష్‌నెస్ వంటలకి మరింత రుచిని యాడ్ చేస్తుంది. ఫ్లేవర్ కూడా బాగుంటుంది. కానీ, అలాంటి పరిస్థితి ప్రతీసారి ఉండదు. అలా ప్రతీసారి వీలవ్వదు. అందుకే, ఒక్కసారే అల్లాన్ని ప్రిపేర్ చేసి పెట్టుకుంటారు. ఫ్రిజ్‌లో పెట్టుకుని వంటలు వండినప్పుడల్లా కొద్దికొద్దిగా వేసుకుంటారు. ఇది ఈజీగా అనిపిస్తుంది. అయితే, అలా తయారుచేసి పెట్టుకున్న అల్లం ప్రతీసారి తాజాగానే ఉండదు. నీరు కారిపోయినట్టు గా మారడం, నల్లగా మారడం ఇలా అయిపోతుంది. దీంతో అల్లం రుచి తగ్గుతుంది. కూరల్లో వేసుకోవడం కూడా ఇబ్బందిగానే ఉంటుంది. అలా కాకుండా రోజులు గడిచినా అల్లం తాజాగానే ఉండాలంటే ఏం చేయాలో తెలుసుకోండి.

అల్లంని శుభ్రం చేయడం

అల్లం పేస్ట్ పట్టేందుకు ముందుగా మంచి క్వాలిటీ అల్లాన్ని తీసుకురండి. దీనిని తీసుకొచ్చి నీటిలో నానబెట్టి పొట్టు తీసి చక్కగా క్లీన్ చేయండి. తర్వాత కాస్తా కూడా తడిగా లేకుండా అల్లం ముక్కల్ని ఆరబెట్టండి. ఎండలో కాకుండా ఫ్యాన్ గాలికే ఆరనివ్వండి. మిగిలిన తడిని పొడిగుడ్డతో తుడవండి. పొట్టు తీయడానికి కూడా కొన్ని పద్ధతులు ఉంటాయి. వాటిని ఫాలో అవ్వొచ్చు.

వెల్లుల్లి

ఎప్పుడైనా కూడా అల్లం పేస్టు కూరల్లో వేసినప్పుడు మరింత రుచి పెరగాలంటే అందులో అల్లం క్వాంటిటీ కంటే వెల్లుల్లి రెబ్బల్ని ఎక్కువగా కలపండి. అవి కూడా మంచి నాణ్యమైన వెల్లుల్లిని పొట్టు తీసి అందులో కలపండి. ఆ రెండింటిని కూడా తగినంత ఉప్పు వేసి మిక్సీ పట్టండి. మిక్సీ పట్టేటప్పుడు కాస్తా కూడా నీరు వేయొద్దు. కేవలం అల్లం, వెల్లుల్లిలోని తడి సరిపోతుంది.

కావాలనుకుంటే నూనె

కావాలనుకుంటే కొద్దికొద్దిగా సన్‌ఫ్లవర్ ఆయిల్, ఆవనూనె, పల్లీనూనె, ఆలివ్ ఆయిల్ ఏదైనా సరే కొద్దికొద్దిగా వేసి మిక్సీ పట్టండి. ఎక్కువగా వద్దు. కొద్దిగా కలపండి. అయితే, ఆవనూనె వేసినప్పుడు కూరల్లో కలిపినప్పుడు ముఖ్యంగా నాన్‌వెజట్ వంటలు కాస్తా వేరు రుచితో ఉంటాయి. కాబట్టి, మీ ఇష్టమైన ఆయిల్ వేయండి. అందులోనే కాస్తా పసుపు కూడా కలపండి. అయితే, ఈ అల్లం పేస్టు కూరల్లో వేసినప్పుడు పసుపు, నూనె తక్కువ కలపాలని గుర్తుంచుకోండి.

కంటెయినర్

ఇలా తయారైన పేస్టుని మనం ఎయిర్ కంటెయినర్‌లో పెట్టి ఫ్రిజ్‌లో స్టోర్ చేస్తే ఎక్కువ రోజులు తాజాగా ఉంటుంది. నార్మల్‌‌గా కంటే ఇలా స్టోర్ చేస్తే మంచిది. అయితే, వీటిని మనం ఐస్ ట్రేలో వేసి కూడా స్టోర్ చేయొచ్చు. దీని వల్ల కూడా అల్లాన్ని చాలా రోజులు వాడుకోవచ్చు. అయితే, మనం వాడే కంటెయినర్ కూడా ప్లాస్టిక్ కాకుండా చూసుకోండి. దీని వల్ల అల్లం వాసన దానికే పట్టి ఉంటుంది. మరోసారి అల్లం స్టోర్ చేసినప్పుడు అదో రకమైన ఇబ్బందిగా ఉంటుంది.

ఈ విషయాల్ని మర్చిపోవద్దు

కొంతమంది అల్లం తీసి పట్టుకోవడం పెద్దగా కష్టంగా ఫీల్ అవుతారు. బయటి నుంచి కొనుక్కొచ్చి వాడతారు. కానీ, దీని వల్ల ఆరోగ్య ప్రయోజనాల సంగతి దేవుడెరుగు కచ్చితంగా హెల్త్ ప్రాబ్లమ్స్ వస్తాయి. ఎందుకంటే చాలా పదార్థాల్లోనూ కల్తీ ఉన్నట్లే అల్లం తయారీలోనూ కల్తీ జరుగుతోంది. అందుకే, బయట తయారుచేసే అల్లాన్ని ఎలా తయారుచేస్తారో తెలియదు. అందులో ఏ నీరు కలుపుతారో తెలియదు. కాబట్టి, ఓపిక లేకపోతే అల్లం తీసుకొచ్చి ఎప్పటికప్పుడు చిన్న ముక్కని దంచి వేసుకోండి. లేదా వెల్లుల్లి రెబ్బలు వేసినా చాలు. అంతేకానీ, బయటి నుంచి తీసుకొచ్చే అల్లాన్ని మాత్రం వాడొద్దు.