కిడ్నీలో రాళ్లను కరిగించి బయటకు పంపే డ్రింక్

చాలా మంది ఈ రోజుల్లో ఎదుర్కొంటున్న సమస్య కిడ్నీలో రాళ్లు. విపరీతంగా నొప్పితో పాటు ఇంకెన్నో ఇబ్బందులకు గురి చేస్తుంది ఈ సమస్య. సరైన విధంగా నీళ్లు తాగకపోవడం, అనారోగ్యకరమైన ఆహారం తీసుకోవడం లాంటి అలవాట్లు ముప్పును పెంచుతున్నాయి. కిడ్నీలు సరిగ్గా పని చేస్తేనే మిగతా అవయవాలపైనా ఆ ఎఫెక్ట్ పడుతుంది. అయితే ఓ సారి కిడ్నీలో రాళ్లు వచ్చాయంటే అంత సులువుగా అవి కరిగిపోవు.

పైగా వాటి సైజ్ రానురాను పెరుగుతూ పోతుంది. ఆ సమయంలో మూత్రంలో మంట వస్తుంది. విపరీతంగా పొత్తి కడుపు నొప్పి వస్తుంది. వెన్ను నొప్పి కూడా వేధిస్తుంది. అయితే..ఈ ఇబ్బందులన్నీ లేకుండా ఉండాలంటే కిడ్నీల్లో ఉన్న రాళ్లను బయటకు పంపాలి. అలా చేయాలంటే ఇప్పుడు చెప్పే ఓ సింపుల్ చిట్కా పాటించాలి. ఎక్స్ పర్ట్ చెప్పిన ఓ డ్రింక్ తాగితే చాలు. చాలా సింపుల్ గా కిడ్నీలు క్లీన్ అయిపోతాయి. మరి ఆ డ్రింక్ ఏంటో తెలుసుకుందాం.

కిడ్నీలు పాడైతే..

శరీరంలో పేరుకుపోయిన టాక్సిన్స్ ని సరైన విధంగా బయటకు పంపించడంలో కిడ్నీలు చాలా కీలకంగా ఉంటాయి. వాటి విధి కూడా ఇదే. అందుకే..వీలైనంత వరకూ వీటిని ఆరోగ్యంగా ఉంచుకునేందుకు ప్రయత్నించాలి. ఏ మాత్రం నిర్లక్ష్యం చేసినా ఈ మురికి అంతా అలాగే పేరుకుపోయి మిగతా అవయవాలపైనా ప్రభావం చూపిస్తాయి. ముఖ్యంగా రక్త సరఫరాకు ఆటంకం కలుగుతుంది. అంతే కాదు. కిడ్నీలో రాళ్లు పెరిగే అవకాశం ఉంటుంది. ఉప్పు ఎక్కువగా ఉన్న ఫుడ్స్ తినడం వల్ల సోడియం పెరిగిపోయి రక్త నాళాల్లో అది పేరుకుంటుంది. ఫలితంగా సోడియం పెరిగే కొద్దీ యూరిన్ లో ఉండే పొటాషియంతో కలిసి అది గడ్డకడుతుంది. ఇవే క్రమంగా క్రిస్టల్స్ గా మారతాయి. ఇవే చివరకు రాళ్లగా తయారవుతాయి. వీటి పరిమాణం క్రమంగా పెరుగుతూ పోతుంది. వీటిని కరిగించేందుకు ఇప్పుడు చెప్పిన ఓ చిట్కా ఫాలో అయితే సరిపోతుంది.

ఎక్స్ పర్ట్ ఏం చెప్పారు

కిడ్నీలు సరైన విధంగా పని చేయడానికి ఓ చిట్కా చెప్పారు న్యూట్రిషనిస్ట్. చాలా సింపుల్ గా ఎవరైనా ఇంట్లో తయారు చేసుకోగలిగే ఓ డ్రింక్ గురించి ప్రస్తావించారు. ఇందు కోసం కావాల్సిన పదార్థాల లిస్ట్ కూడా పెద్దదేం కాదు. కేవలం ధనియాలు ఉంటే చాలు. ధనియాలలో యాంటీ ఆక్సిడెంట్స్ పుష్కలంగా ఉంటాయి. వీటితో పాటు మిగతా పోషకాలు కిడ్నీల్లో పేరుకున్న మురికిని వదిలించడంలో ఉపయోగపడతాయి.

ధనియాలతో పాటు కాస్తంత నిమ్మరసం ఉంటే చాలు. రెండు కప్పుల నీటితో ఈ మూడింటినీ సరైన మోతాదులో కలిపి తీసుకుంటే కిడ్నీలు క్లీన్ అవడంతో పాటు రాళ్లు కూడా చాలా త్వరగా కరిగిపోతాయి. అటు వైద్యులు చెప్పిన మెడిసిన్ తీసుకుంటూనే ఈ ఇంటి చిట్కా కూడా పాటిస్తే వేగంగా సమస్య నుంచి బయటపడవచ్చు. ఇంతకీ ఇప్పుడు చెప్పిన పదార్థాలను ఏ మోతాదులో తీసుకోవాలి. ఎలా తయారు చేయాలో తెలుసుకుందాం. అంత కన్నా ముందు ధనియాలనే ఎందుకు వాడుతున్నారో కూడా చూద్దాం.

ధనియాల ఉపయోగాలు

ఇందాక చెప్పుకున్నట్టుగా ధనియాలలో యాంటీ ఆక్సిడెంట్స్ పుష్కలంగా ఉంటాయి. వీటితో పాటు విటమిన్స్ కూడా ఉంటాయి. ఇవి షుగర్ ని కంట్రోల్ చేయడంలో ఎంతో సహకరిస్తాయి. అంతే కాదు. చెడు కొలెస్ట్రాల్ సమస్యను తీర్చడంలోనూ ఉపయోగపడతాయి. ఎముకల ఆరోగ్యాన్ని పెంచాలన్నా, ఇమ్యూనిటీ పెరగాలన్నా ధనియాలు ఎంతో బాగా సహకరిస్తాయి. ధనియాలను రోజువారీ వంటల్లో వాడుతూనే ఉంటారు. పొడి రూపంలో వంటల్లో కలుపుతుంటారు. ధనియాల కషాయం తాగడం ద్వారా జీర్ణశక్తి పెరుగుతుంది. పొట్ట క్లీన్ అవ్వడానికి కూడా ధనియాలను వాడతారు. ఆయుర్వేదంలోనూ ధనియాలకు ఎంతో ప్రాధాన్యం ఉంది. అయితే..కిడ్నీలను క్లీన్ చేయడంలోనూ ఇవి ఎంతో సహకరిస్తాయి. ఎలా వాడితే కిడ్నీలలోని రాళ్లు కరిగిపోతాయో వివరంగా తెలుసుకునే ప్రయత్నం చేద్దాం.

ఎలా తయారు చేయాలి

ఈ డ్రింక్ తయారు చేయాలంటే ఓ టేబుల్ స్పూన్ ధనియాలు, రెండు కప్పుల నీరు, కాస్తంత నిమ్మరసం ఉంటే సరిపోతుంది. ముందుగా రెండు కప్పుల నీరు తీసుకోవాలి. అందులో టేబుల్ స్పూన్ ధనియాలు మిక్స్ చేయాలి. కనీసం పది నిముషాల పాటు ఈ నీటిని మరిగించాలి. నీటి రంగు మారిపోయేంత వరకూ ఉంచాలి. ధనియాలలోని పోషకాలన్నీ నీటికి పట్టేంత వరకూ ఉంచాలి. పది నిముషాల తరవాత ఈ నీటిని సరైన విధంగా వడబోయాలి. తరవాత అందులో ఓ సగం నిమ్మచెక్క తీసుకుని రసం కలపాలి. ఇలా కాసేపట్లోనే కిడ్నీలను క్లీన్ చేసే డ్రింక్ తయారైపోతుంది. అయితే..ఇప్పుడు చెప్పిన మోతాదులోనే నీటిని, ధనియాలను తీసుకుంటే పర్ ఫెక్ట్ గా డ్రింక్ తయారవుతుంది. ఈ డ్రింక్ ఎన్ని రోజులు ఎలా తీసుకుంటే రాళ్లు కరిగిపోతాయో కూడా ఎక్స్ పర్ట్ వివరించారు.

ఎన్ని రోజులు వాడాలి

రోజూ ఉదయం పరగడుపున ఈ డ్రింక్ తీసుకోవాలని చెబుతున్నారు న్యూట్రిషనిస్ట్. అయితే..ఈ డ్రింక్ ఎందుకు పని చేస్తుందో కూడా వివరించారు. ధనియాల్లోని పోషకాలు కిడ్నీలను ఆరోగ్యంగా ఉంచుతాయి. ముఖ్యంగా ఇవి కిడ్నీ డిటాక్స్ లా పని చేస్తాయి. అంటే..మూత్ర పిండాలలో పేరుకున్న మురికి అంతా బయటకు వెళ్లిపోతుంది. నిమ్మరసం కలపడం ద్వారా యూరినరీ ఇన్ఫెక్షన్స్ రాకుండా ఉంటాయి. మూత్రం సాఫీగా బయటకు వెళ్తుంది. ఇదే సమయంలో సరైన విధంగా బాడీ హైడ్రేటెడ్ గా ఉండేందుకు కూడా ఈ డ్రింక్ ఎంతగానో తోడ్పడుతుంది. ఇలా అన్ని విధాలుగా ఈ డ్రింక్ ఉపయోగపడుతుంది.