జపాన్‌లో స్మెల్ హరాస్‌మెంట్.... భారతీయ యువతికి వింత అనుభవం

జపాన్‌లో వాసన వేధింపు ఉందని మీకు తెలుసా? అవును.. జపాన్ ‌లో రైళ్లు, బస్సులు, కార్యాలయాలు, మాల్స్, ఇతర పబ్లిక్ ప్రదేశాలలో గాఢమైన వాసనలను ఇతరులకు అసౌకర్యంగా భావిస్తారు. దీన్ని సుమేహరా అని పిలుస్తారు. ఇది ‘స్మెల్ హరాస్‌మెంట్’కు సంక్షిప్త రూపం. కొంత మంది సువాసనలకు సున్నితమైన వ్యక్తులు ఉంటారు. ఇలాంటి వారు బహిరంగ ప్రదేశాల్లో తిరిగిన ప్రతిరోజూ మైగ్రేన్‌, వికారం, లేదా అలెర్జీలతో బాధపడుతుంటారు. అయినప్పటికీ చాలా దేశాల్లో ఇది పెద్ద సమస్య కాదు. జపాన్ వాసులు మాత్రం ఇతరుల మనోభావాలను గౌరవించడానికి అత్యంత ప్రాధాన్యం ఇస్తారు. దీనిపై అనూష అనే భారతీయ యువతి ఇన్‌స్టాగ్రామ్‌లో చేసిన పోస్టు వైరల్‌గా మారింది.

అంతేకాదు, “మన దేశంలో పర్ఫ్యూమ్ అంటే స్వీయ వ్యక్తీకరణకు సంబంధించిన అంశం.. కానీ జపాన్‌లో అది మనోభావాలను గౌరవించే అంశంగా ఉంటుంది’ అని వివరించారు. ఈ క్రమంలో జపాన్‌కి వెళ్లే భారతీయులకు ‘గాఢమైన సువాసనలకు బదులుగా, తేలికపాటి, మృదువైన సువాసనలను ఎంచుకోవడం మంచిది.. తద్వారా మీకు తెలియకుండానే ఇతరులను నొప్పించకుండా ఉంటారు. ఇది చిన్న విషయమే కానీ, ఇక్కడి రోజువారీ జీవితాన్ని మరింత సులభతరం చేస్తుంది’ అని ఆమె సలహా ఇచ్చారు.

వైరల్‌ అవుతోన్న ఈ పోస్ట్‌ ముఖ్యంగా భిన్న సంస్కృతుల మధ్య జీవనాన్ని సాగిస్తున్న వారిలో. చిన్న అలవాట్లే లోతైన సామాజిక విలువలను ప్రతిబింబిస్తాయని తెలియజేస్తోంది. దీనిపై నెటిజన్లు భిన్నంగా స్పందిస్తున్నారు. ‘‘ఘాటైన పర్ఫ్యూమ్ సువాసనలకు నేను తట్టుకోలేను.. మాల్స్, ప్రయాణంలో ప్రతిరోజూ మైగ్రేన్, వికారం లేదా అలర్జీలతో బాధపడుతున్నాను.. కానీ నేను ఇంగ్లాండ్‌లో ఉంటున్నాను, ఇక్కడ దీనిని పెద్ద సమస్యగా పరిగణించరు.. జపాన్ అద్భుతం’’ అని ఒక యూజర్ కామెంట్ చేశారు. ‘జపాన్‌లో ఇది సాధారణం. అక్కడికి వెళ్లే ముందు వారిగురించి తెలుసుకోండి’ అని మరొక యూజర్ రాశారు.

‘‘నేను దీన్ని నమ్ముతాను ఎందుకంటే ఇది అంతా ఎంపథీ (సానుభూతి), సామాజిక బాధ్యత... మనం బయట ప్రదేశాల్లో ఇతరులకు అసౌకర్యం కలిగించే పనులు చేయకూడదు. గాఢమైన పర్ఫ్యూమ్ కొందరికి తీవ్రమైన తలనొప్పి లేదా వాంతులు, వికారం వంటి ఇబ్బందులు ఎదురయ్యే అవకాశం ఉంది’’ అని ఇంకో నెటిజన్ అన్నాడు.