చైనాపై ఏకంగా 100 శాతం సుంకాల విధింపు,,,ట్రంప్ మరో బిగ్‌ బాంబ్

 అగ్రరాజ్యం అమెరికా అధ్యక్షుడు డొనాల్డ్ ట్రంప్ మరో బిగ్ బాంగ్ వేశారు. ఇప్పటికే అనేక దేశాలపై పెద్ద ఎత్తున సుంకాలు విధించిన ఆయన తాజాగా.. చైనాపై అదనంగా మరో 100 శాతం సుంకాన్ని విధిస్తున్నట్లు ప్రకటించారు. అలాగే ఆ దేశాధ్యక్షుడు షి జిన్‌పింగ్‌తో జరగాల్సిన శిఖరాగ్ర సమావేశాన్ని సైతం రద్దు చేస్తానని హెచ్చరించారు. అరుదైన ఖనిజాలపై చైనా ఎగుమతి నియంత్రణలను విధించడాన్ని ప్రతిఘటిస్తూ.. ట్రంప్ ఈ కఠిన నిర్ణయం తీసుకున్నారు. చైనా తీసుకున్న చర్యలను అసాధారణంగా దూకుడుగా అభివర్ణించిన ట్రంప్.. ఈ అదనపు సుంకాలు నవంబర్ 1వ తేదీ నుంచి అమల్లోకి వస్తాయని వెల్లడించారు. చైనా ఇలాంటి చర్య తీసుకుంటుందని తానసలు ఊహించలేదని, కానీ వారు అదే నిర్ణయం తీసుకుని తనకు కోపాన్ని తెప్పించారన్నారు.

ఇప్పటికే మాదకద్రవ్యాల (ఫెంటానిల్) వ్యాపారానికి సహకరిస్తోందని, అన్యాయమైన వాణిజ్య పద్ధతులకు పాల్పడుతోందని ఆరోపిస్తూ.. ట్రంప్ గతంలో విధించిన సుంకాల కింద చైనా వస్తువులపై అమెరికాలో 30 శాతం సుంకం ఉంది. దీనికి ప్రతిగా చైనా ప్రస్తుతం 100 శాతం సుంకాలను అమలు చేయాలని నిర్ణయించుకుంది. అరుదైన ఖనిజాల ఎగుమతి నియంత్రణల గురించి చైనా ప్రపంచంలోని దేశాలకు లేఖలు పంపిందని ట్రంప్ ఆరోపించారు. ఆరు నెలలు పాటు తమతో మంచి సంబంధాలు కొనసాగించిన.. సమయం చూసి ఇప్పుడు తమపై దాడి చేస్తోందని అన్నారు.

ఆడవారు ఎంత డైట్ చేసిన బెల్లీ, ఆర్మ్, థై ఫ్యాట్ తగ్గకపోవడానికి కారణాలు ఏంటి, ఫ్యాట్ తగ్గి ఫిట్‌గా మారాలంటే ఏం చేయాలి

అరుదైన ఖనిజాలను.. స్మార్ట్‌ఫోన్‌లు, ఎలక్ట్రిక్ వాహనాలు, సైనిక హార్డ్‌వేర్, పునరుత్పాదక ఇంధన సాంకేతికతతో సహా కీలకమైన తయారీ రంగాలకు అత్యంత అవసరం. ఈ ఖనిజాల ప్రపంచ ఉత్పత్తి, ప్రాసెసింగ్‌లో చైనా ఆధిపత్యం చెలాయిస్తోంది. దీన్ని గుర్తు చేస్తూనే.. చైనా ప్రపంచాన్ని బందీగా ఉంచడానికి అనుమతించకూడదని ట్రంప్ గట్టిగా వ్యాఖ్యానించారు. అంతేకాకుండా ఈ నెలాఖరులో దక్షిణ కొరియాలో జరగాల్సిన ఆసియా-పసిఫిక్ ఆర్థిక సహకార శిఖరాగ్ర సమావేశంలో జిన్‌పింగ్‌తో సమావేశం కావాలన్న తన ప్రణాళికలను ట్రంప్ ఈ చర్య ద్వారా ప్రశ్నించారు. అయితే ట్రంప్ రెండోసారి అధికారంలోకి వచ్చిన తర్వాత ఈ ఇద్దరు నేతలు భేటీ కావడం ఇదే తొలిసారి కానుండగా.. దాన్ని కూడా రద్దు చేయబోతున్నట్లు చెప్పారు.

చైనా వైపు నుంచి తక్షణ స్పందన లేకపోయినప్పటికీ.. ఈ చర్యలు ఇరు దేశాల మధ్య గత కొంతకాలంగా ఉన్న సున్నితమైన శాంతి ఒప్పందాన్ని ఉల్లంఘించాయి. సోయాబీన్ కొనుగోళ్లపై జిన్‌పింగ్‌పై ఒత్తిడి తెస్తానని ట్రంప్ గత వారమే ప్రకటించారు. మరోవైపు అమెరికాలో తయారైన, ఆ దేశం నడుపుతున్న నౌకలపై ప్రత్యేక పోర్ట్ ఫీజులు విధిస్తామని చైనా చెప్పింది. దీనికి తోడుగా చైనా కమ్యూనిస్ట్ పార్టీ అమెరికన్ల ఇళ్లు, వ్యాపారాల్లోకి అసురక్షిత పరికరాలను చేర్చడానికి ప్రయత్నిస్తోందని అమెరికా కమ్యూనికేషన్స్ పర్యవేక్షక సంస్థ పేర్కొనడం, నిషేధిత చైనీస్ వస్తువుల జాబితాలను కామర్స్ ప్లాట్‌ఫారమ్‌ల నుండి తొలగించినట్లు చెప్పడం వంటి పరిణామాలు వాషింగ్టన్, బీజింగ్‌ల మధ్య ఉద్రిక్త వాతావరణాన్ని మరింత పెంచాయి.