హీట్ పెరిగింది! హీథర్ నైట్ శతకంతో భారత్‌ ముందు భారీ లక్ష్యం

మహిళల వన్డే ప్రపంచకప్‌ 2025లో (Women's CWC 2025) అక్టోబర్ 19న భారత్‌, ఇంగ్లండ్ జట్లు (India vs England) మధ్య ఆసక్తికర మ్యాచ్ జరిగింది. ఇండోర్ వేదికగా ఈ మ్యాచ్ జరుగుతున్నప్పుడు ఇంగ్లండ్ టాస్ గెలిచి బ్యాటింగ్ ఎంచుకుంది.వన్‌డౌన్ బ్యాటర్ హీథర్ నైట్ (Heather Knight) మెరుపు శతకంతో (91 బంతుల్లో 109 పరుగులు; 15 ఫోర్లు, 1 సిక్స్) ఇంగ్లండ్ జట్టును ముందంజలో ఉంచింది. 50 ఓవర్లలో 8 వికెట్లు కోల్పోయి 288 పరుగులు చేసింది. నైట్‌తో పాటు ఓపెనర్ యామీ జోన్స్ 56 పరుగులతో మంచి ప్రదర్శన ఇచ్చింది. కెప్టెన్ నాట్ సీవర్ బ్రంట్ 38 పరుగులు చేసి కీలక పాత్ర పోషించింది.మిగతా బ్యాటర్లలో ట్యామీ బేమౌంట్ 22, సోఫీ డంక్లీ 11, అలైస్ క్యాప్సీ 2, సోఫీ ఎక్లెస్టోన్ 3 పరుగులు సాధించారు. చివరగా ఛార్లోట్ డీన్ 19, లిన్సే స్మిత్ 0 రన్‌లు చేస్తూ నాటౌట్‌గా నిలిచారు. భారత బౌలర్లలో దీప్తి శర్మ 4 వికెట్లు తీసి మంచి ప్రదర్శన చేసింది. శ్రీ చరణి 2 వికెట్లు పట్టుకుంది.ప్రస్తుత ప్రపంచకప్‌లో హీథర్ నైట్ చేసిన శతకం ఇప్పటివరకు ఎనిమిదోది. ఇది ఆమె 300వ అంతర్జాతీయ మ్యాచ్‌లో సాధించిన మూడంకెల రన్. నైట్‌కు ముందు ఈ టోర్నీలో అలైస్సా హీలీ రెండు శతకాలు, సోఫీ డివైన్, నాట్ సీవర్ బ్రంట్, ఆష్లే గార్డ్‌నర్, తజ్మిన్ బ్రిట్స్, బెత్ మూనీ ఒక్క శతకాన్ని సాధించారు.ప్రస్తుతం ఈ ప్రపంచకప్‌లో ఆస్ట్రేలియా, సౌతాఫ్రికా ఇప్పటికే సెమీస్‌కు అర్హత సాధించాయి. ఇంగ్లండ్, భారత్ మ్యాచ్‌లో ఇంగ్లండ్ గెలిస్తే, వారు కూడా సెమీస్‌కు రీచ్ అవుతారు. ప్రస్తుత పాయింట్ల పట్టికలో ఇంగ్లండ్ మూడో స్థానంలో ఉంది. మరోవైపు భారత్ కూడా ఈ మ్యాచ్‌లో గెలిస్తే, సెమీస్‌ బెర్త్‌ కోసం మంచి అవకాశాలు పొందుతుంది. ఇప్పటి వరకు ఆడిన 4 మ్యాచ్‌లలో భారత్ 2గెలిచి నాల్గో స్థానంలో ఉంది.