నిద్రలో ఉండగా.. యువకుడి ప్రైవేట్ పార్ట్ కట్ చేసిన మహిళ

క్షణికావేశంలో ఎంతకైనా తెగించేస్తున్నారు చాలా మంది. హత్య, ఆత్మహత్య, దాడులు వంటి వాటికి పాల్పడుతున్నారు. ఈ మధ్య ఇలాంటి ఘటనలు ఎక్కువైపోతున్నాయి. తాజాగా ఉత్తర్‌ప్రదేశ్‌లో ఇలాంటి ఓ ఘటన వెలుగులోకి వచ్చింది. నిద్రలో ఉన్న యువకుడి మర్మాంగం కట్ చేసింది ఓ మహిళ. యువకుడిపై కోపం పెంచుకున్న మహిళ ఈ దారణానికి పాల్పడింది. అనంతరం అక్కడి నుంచి పారిపోయింది. రక్తం మడుగులో కొట్టుకుంటున్న బాధితుడిని ఆసుపత్రికి తరలించారు.

ఉత్తరప్రదేశ్‌లోని ప్రయాగ్‌రాజ్‌లో ఈ ఘటన జరిగింది. బాధితురాలిని ఉమేష్ (20)గా.. నిందితురాలిని అతడి వదిన మంజుగా పోలీసులు గుర్తించారు. ఉమేష్, మంజు సోదరి గతం కొంత కాలంగా రిలేషన్‌షిప్‌లో ఉన్నారు. అయితే కుటుంబ సభ్యులు వ్యతిరేకించడంతో.. మంజు చెల్లిని పెళ్లి చేసుకునేందుకు ఉమేష్ నిరాకరించాడు. ఇటీవల, అతను వేరొకరిని వివాహం చేసుకోవాలని నిర్ణయించుకున్నాడు. ఈ విషయం తెలిసి ఆ యువతి మనస్తాపానికి గురైంది. అయితే తన సోదరి పరిస్థితిని చూసి, మంజు కోపంతో రగిలిపోయింది. తన సోదరిని వివాహం చేసుకోవడానికి నిరాకరించినందుకు మంజు.. ఉమేష్‌పై కోపం పెంచుకుంది. అతడిపై ప్రతీకారం తీర్చుకోవాలని నిర్ణయించుకుంది. అనంతరం ఉమేష్ నిద్రిస్తున్న సమయంలో.. అతడి ప్రైవేట్ భాగాన్ని నరికేసింది. అనంతరం అక్కడి నుంచి పారిపోయింది.

స్థానిక వార్తా కథనాల ప్రకారం.. ప్రైవేట్ పార్ట్ కట్ చేసిన తర్వాత ఉమేష్ నొప్పితో గట్టిగా అరిచాడు. ఇంతలోనే మంజు అక్కడి నుంచి పారిపోయింది. ఉమేష్ కేకలు విన్న అతడి సోదరుడు పరిగెత్తుకుంటూ వచ్చాడు. రక్తపు మడుగులో పడి ఉన్న ఉమేష్‌ను కుటుంబ సభ్యులు హుటాహుటిన సమీపంలోని ఆసుపత్రికి తరలించారు. అనంతరం ఎవరో గుర్తు తెలియని వ్యక్తులు ఈ దారుణానికి పాల్పడ్డారని పోలీసులకు ఫిర్యాదు చేశారు. ఉమేష్ కుటుంబ సభ్యులు ఇచ్చిన ఫిర్యాదు ఆధారంగా కేసు నమోదు చేసిన పోలీసులు దర్యాప్తు చేపట్టారు. విచారణ సమయంలో ఈ దాడి చేసింది మంజు అని తేలింది. అనంతరం ఆమెను రెస్టు చేసి దర్యాప్తు చేపట్టినట్లు పోలీసులు తెలిపారు. కాగా ప్రస్తుతం ఉమేష్ పరిస్థితి ఇప్పుడు నిలకడగా ఉందని తెలుస్తోంది. అతడికి గంటన్నర పాటు ఆపరేషన్ చేశారని సమాచారం. కాగా, ఉమేష్ పూర్తిగా కోలుకోవడానికి ఇంకా 7- 8 నెలలు సమయం పట్టే అవకాశం ఉందని వైద్యులు తెలిపారు.

గతంలో ఇలా మర్మాంగం కోసేసిన ఘటన జరిగింది. పక్కింటి వ్యక్తితో రాసలీలలు కొనసాగిస్తున్న ఓ మహిళ భర్తకు రెడ్‌హ్యాండెడ్‌గా దొరికిపోయింది. తన భార్యను మరో వ్యక్తితో మంచంపై నగ్నంగా చూసి తట్టుకోలేకపోయిన భర్త.. ఆమె ప్రియుడి మర్మాంగం కోసి ప్రాణం తీశాడు.