న్యూజెర్సీలో కంట్రోల్ తప్పిన దీపావళి సెలబ్రేషన్స్.. ఫైర్ ఫైటర్స్ ఎంట్రీ

అమెరికా గడ్డపైన భారతీయ పండుగలంటే మన ఎన్నారైలకు అదో లెవల్ ఎనర్జీ. న్యూజెర్సీలోని ఇండియన్ కమ్యూనిటీ ఏరియాల్లో ఈ వేడుకలు ఓ రేంజ్‌లో జరుగుతాయి. అయితే, ఈసారి కూడా అదే లెవల్ ఎనర్జీతో మన దీపాలతో అమెరికాలో వెలుగులు నింపారు. కానీ.. సెలబ్రేషన్స్‌లో "బాణాసంచా విన్యాసం కాస్త మితిమీరింది " దీంతో చిన్నపాటి కల్లోలం రేగింది. దీనికి సంబంధించిన వీడియో ఇప్పుడు ఇంటర్నెట్‌ను షేక్ చేస్తోంది!

సోషల్ మీడియాలో వైరల్ అవుతున్న ఒక క్లిప్‌లో, పబ్లిక్ స్ట్రీట్‌లో ఇండియన్లు ఉత్సాహంగా బాణాసంచా కాల్చుతుండగా, సడెన్‌గా అగ్నిమాపక సిబ్బంది ఎంట్రీ ఇచ్చి, ఆ ప్రాంతంలో నీళ్లు చల్లడం కనిపిస్తుంది. దీంతో అధికారులే దీపావళి వేడుకలను ఆపుతున్నారంటూ నెట్టింట్లో అంచనాలు, విమర్శలు మొదలయ్యాయి.

అయితే, ఈ వీడియోను షేర్ చేసిన ముకుల్ వర్మ అనే న్యూజెర్సీ ఇండియన్ వెంటనే క్లారిటీ ఇచ్చారు. ఆయన ప్రకారం, ఈ వేడుకలకు రాష్ట్ర ప్రభుత్వం నుంచి పూర్తి లీగల్ పర్మిషన్ ఉంది. సేఫ్టీ కోసం సిటీ అధికారులు ముందే ఫైర్ బ్రిగేడ్‌తో సహా అన్ని భద్రతా చర్యలు ఏర్పాటు చేశారు. కానీ, గుంపులో ఉన్న ఎవరో నియమాలకు విరుద్ధంగా ఉన్న 'స్కై షాట్స్' లాంటి ప్రమాదకర బాణాసంచా కాల్చడం మొదలుపెట్టారు. అందుకే, కేవలం భద్రత కోసం మాత్రమే ఫైర్ సిబ్బంది నీళ్లు చల్లారు, పండుగను ఆపడానికి కాదని స్పష్టం చేశారు. పోలీసులు కేవలం క్రౌడ్ కంట్రోల్ చేసే పనిలో మాత్రమే ఉన్నారు. దీపావళి అంటే వెలుగు, ప్రేమ, ఏకత్వం కాబట్టి డోంట్ స్ప్రెడ్ హేట్రేట్ అన్నారు.

ఏదేమైనా, ఈ ఘటనపై ఆన్‌లైన్‌లో మాస్ అవుట్‌రేజ్ మొదలైంది. ఒక యూజర్ ‘ఎన్ఆర్‌ఐలు భారత్‌లో ఉన్నవాళ్ల కంటే ఎక్కువ దేశభక్తి చూపిస్తారు," అంటూ సెటైర్ వేయగా, మరొకరు ‘మీకు పర్మిషన్ ఉన్నా, పక్కింటివాళ్లకు ఇబ్బంది కలిగించకూడదు.. ఇండియా పరువు తీయకండి,’ అని హితవు పలికారు. ‘ప్రతి చిన్నదానికి లోకల్ రూల్స్‌ను బ్రేక్ చేస్తే, దాని వల్ల ఇండియన్లపై ద్వేషం పెరగక ఏం జరుతుంది. చివరికి జాబ్స్, ఎడ్యుకేషన్ అవకాశాలు కూడా మూసుకుపోతాయి’ అంటూ ఒక నెటిజన్ సీరియస్‌గా హెచ్చరించారు. ఇదంతా చూస్తే, మనం ఇండియాలో ఉన్నా, విదేశాల్లో ఉన్నా మన ప్రవర్తన మారడం లేదని, అందుకే ప్రపంచవ్యాప్తంగా విమర్శలు ఎదురవుతున్నాయని మరికొందరు నిస్సహాయత వ్యక్తం చేశారు. ఈ ఘటన విదేశాల్లో మన వారు.. స్థానిక నిబంధనల పట్ల మరింత జాగ్రత్తగా, బాధ్యతగా ఉండాల్సిన అవసరాన్ని ఈ సంఘటన గట్టిగా గుర్తుచేసింది.