పవర్ హిట్టర్లకు పవర్ఫుల్ షాక్ ఇచ్చిన ఇంగ్లాండ్.. సెంట్రల్ కాంట్రాక్ట్ నుంచి ఔట్!
sports | Suryaa Desk | Published : Tue, Nov 04, 2025, 10:30 PM
ఆస్ట్రేలియా వేదికగా యాషెష్ సిరీస్ ప్రారంభం కానున్న వేళ ఇంగ్లాండ్ క్రికెట్ బోర్డు .. ఆటగాళ్ల సెంట్రల్ కాంట్రాక్ట్ను ప్రకటించింది. అయితే ఇందులో భారీ మార్పులు చేసింది. సీనియర్ ఆటగాడైన జానీ బెయిర్స్టోకు షాక్ ఇచ్చింది. అతడిని సెంట్రల్ కాంట్రాక్ట్ నుంచి తప్పించింది. అయితే ఇదే సమయంలో పలువురు యువ ఆటగాళ్లకు ఇందులో చోటు కల్పించింది. టెస్టు కెప్టెన్ బెన్ స్టోక్స్తో పాటు మూడు ఫార్మాట్లలో కీలకమైన ఆటగాళ్లలో పలువురికి రెండేళ్ల క్రాంట్టాక్ లభించింది.
ఈ ఏడాది అక్టోబర్ నుంచి 2026 సెప్టెంబర్ వరకూ ఇంగ్లాండ్ క్రికెట్ బోర్డు సెంట్రల్ కాంట్రాక్ట్లను ఇచ్చింది. పవర్ హిట్టర్లుగా పేరు పొందిన జానీ బెయిర్స్టో , లియామ్ లివింగ్స్టోన్లపై మాత్రం వేటు వేసింది. అంతేకాకుండా స్పిన్నర్ జాక్ లీచ్, పేసర్ ఓలీ స్టోన్లకు కూడా కాంట్రాక్ట్లో చోటు దక్కలేదు. సీనియర్ పేసర్ మార్క్ వుడ్కు ఏడాది కాలానికే సెంట్రల్ కాంట్రాక్ట్ ఇచ్చింది ఈసీబీ.
ఇటీవల జరిగిన ‘ది హండ్రెడ్ లీగ్’లో మెరిసిన యువ పేసర్ సోనీ బేకర్ తొలిసారి ఇంగ్లాండ్ సెంట్రల్ కాంట్రాక్ట్ లభించింది. అంతేకాకుండా స్పిన్ ఆల్రౌండర్ డాసన్, సాకిబ్ మహమూమద్, పొడగరి పేసర్ జేమీ ఓవర్టన్లు కూడా తొలిసారి ఇంగ్లాండ్ సెంట్రల్ కాంట్రాక్ట్లో చోటు దక్కింది.
రెండేళ్ల కాంట్రాక్ట్ ఉన్న ఆటగాళ్లు ఎవరంటే..
బెన్ స్టోక్స్, జోఫ్రా ఆర్చర్, గస్ అట్కిన్సన్, జాకబ్ బెతెల్, హ్యారీ బ్రూక్, జోస్ బట్లర్, బ్రైడన్ కార్స్, సామ్ కరన్, బెన్ డకెట్, విల్ జాక్స్, ఆదిల్ రషీద్, జో రూట్, జోష్ టంగ్, జేమీ స్మిత్.
ఏడాది కాంట్రాక్టు పొందిన ఆటగాళ్లు..
రెహ్మాన్ అహ్మద్, సోనీ బేకర్, షోయబ్ బషీర్, జాక్ క్రాలీ, లియామ్ డాసన్, సకీబ్ మహమూద్, జేమీ ఓవర్టన్, ఫిల్ సాల్ట్, మార్క్ వుడ్, ల్యూక్ వుడ్, ఓలీ పోప్, మాథ్యూ పాట్స్.
వీళ్లకు కాంట్రాక్ట్ దక్కలేదు..
జానీ బెయిర్ స్టో, జాక్ లీచ్, లియామ్ లివింగ్స్టోన్, రీస్ టాప్లే, జాన్ టర్నర్
|
|