మళ్లీ భారీగా తగ్గిన బంగారం ధర.. తనిష్క్, మలబార్ సహా గ్రాము రేటు

దేశీయ మార్కెట్లో బంగారం, వెండి ధరలు ఈరోజు భారీగా పడిపోయాయి. అంతర్జాతీయ మార్కెట్లో ఇన్వెస్టర్లు లాభాల స్వీకరణకు మొగ్గు చూపడంతో పాటు రానున్న రోజుల్లో అమెరికా ఫెడరల్ రిజర్వ్ వడ్డీ రేట్లను తగ్గిస్తుందన్న అంచనాలతో బంగారం ధరలు ఒక్కసారిగా పడిపోయాయి. ఎంసీఎక్స్ గోల్డ్ డిసెంబర్ ఫ్యూచర్స్ 0.42 శాతం మేర తగ్గి రూ.1,20,8904 వద్దకు దిగివచ్చింది. ఇక ఎంసీఎక్స్ సిల్వర్ డిసెంబర్ కాంట్రాక్టులు 0.48 శాతం మేర పడిపోయి రూ.1,47,050 వద్దకు దిగివచ్చింది. బంగారం కొనుగోలుదారులకు ఇది మంచి అవకాశంగా చెప్పవచ్చు. క్రితం రోజు ధరలు పెరగడంతో మళ్లీ వరుసగా పెరుగుతాయని భావించిన వారి అంచనాలు తప్పాయని చెప్పవచ్చు. ఈ క్రమంలో ప్రముఖ జువెలరీల్లో 22 క్యారెట్ల బంగారం ధర ఎంత పలుకుతుందో తెలుసుకుందాం.

ఈరోజు డాలర్ ఇండెక్స్ విలువ 0.20 శాతం మేర పెరిగి 100.05కి చేసింది. గడిచిన 3 నెలల కాలంలో చూసుకుంటే డాలర్ సూచీకి ఇదే అత్యధిక స్థాయి. అమెరికా ఫెడ్ వడ్డీ రేట్ల తగ్గింపు అంచనాల నేపథ్యంలో డాలర్ ఇండెక్స్ పెరుగుతున్నట్లు మార్కెట్ వర్గాలు చెబుతున్నాయి. బంగారాన్ని అమెరికా డాలర్లలో లెక్కిస్తారు. అమెరికా కరెన్సీ విలువ బలంగా ఉంటే యెల్లో మెటల్ ఇతర కరెన్సీల్లో ఎక్కువ ధర పలుకుతుంది. గత అక్టోబర్ నెలలో అమెరికా ఫెడ్ 25 బేసిస్ పాయింట్ల వడ్డీ తగ్గించింది. ఈ ఏడాదిలో ఇది రెండోసారి. అయితే, 2025 ముగిసే నాటికి మరోసారి తగ్గిస్తారన్న అంచనాలు ఉన్నాయి.

తనిష్క్‌ జువెలరీలో ఈరోజు 22 క్యారెట్ల బంగారం ధర 1 గ్రాముకు రూ.11,265 వద్ద ట్రేడవుతోంది. అదే 10 గ్రాములకు అయితే రూ. 1,12,650 వద్ద అమ్ముడవుతోంది.

మలబార్ గోల్డ్ అండ్ డైమండ్స్ జువెలరీలో ఇవాళ 22 క్యారెట్ల ఆభరణాల బంగారం ధర 1 గ్రాముకు రూ. 11,225 వద్ద ఉంది. ఇక 10 గ్రాములకు అది రూ. 1,12,250కి లభిస్తోంది.

జొయాలుక్కాస్ జువెలరీలో ఇవాళ 22 క్యారెట్ల నగల బంగారం ధర గ్రాముకు రూ. 11,225 వద్ద ఉండగా 10 గ్రాములు (తులానికి) రూ. 1,12,250 వద్ద ట్రేడవుతోంది.

లలితా జువెలరీలో ఈరోజు 22 క్యారెట్ల గోల్డ్ రేటు గ్రాముకు రూ.11,225 వద్ద ఉంది.

కల్యాణ్ జువెలరీలో ఇవాళ బంగారు ఆభరణాల ధర (22 క్యారెట్లు) 1 గ్రాముకు రూ. 11,225 వద్ద ఉంది. అది పది గ్రాములకు అయితే రూ. 1,12,250 వద్ద ట్రేడవుతోంది.