ఒకే ఒక విటమిన్ లోపంతో ధమనులు మూసుకుపోయి గుండెపోటు

ఈ రోజుల్లో ఆరోగ్యంగా ఉండటం చాలా ముఖ్యం. ఆరోగ్యంగా ఉండటానికి శరీరానికి తగినంత విటమిన్లు, ఖనిజాలు చాలా అవసరం. ఒక్క విటమిన్ లోపించినా ఆరోగ్యం ప్రమాదంలో పడుతుంది. అలాంటి పోషకాల్లో విటమిన్ కె ఒకటి. ఇది మన శరీరంలో అనేక విధాలుగా కీలక పాత్ర పోషిస్తుంది. సాధారణంగా రక్తం గడ్డకట్టడానికి, ఎముకల ఆరోగ్యానికి మాత్రమే విటమిన్ కె అవసరమని భావిస్తారు. అయితే, ఇది గుండె జబ్బుల ప్రమాదంతో నేరుగా ముడిపడి ఉందని ఆరోగ్య నిపుణులు అంటున్నారు. విటమిన్ కె గుండె ఆరోగాన్ని ఎలా ప్రభావితం చేస్తుందో తెలుసుకోవడం చాలా ముఖ్యం. అంతేకాకుండా శరీరంలో విటమిన్ కె లోపం ఉంటే ఏ లక్షణాలు కనిపిస్తాయో ఇప్పుడు చుద్దాం.

విటమిన్ కె లోపం, గుండె మధ్య సంబంధం

మన శరీరంలో ధమనుల గోడల్లో కాల్షియం పేరుకుపోకుండా నిరోధించే కొన్ని ప్రోటీన్లు ఉంటాయి. విటమిన్ K2 ఈ ప్రోటీన్లను సక్రియం చేస్తుంది. శరీరంలో విటమిన్ K2 లోపం ఉన్నప్పుడు, ఈ ప్రోటీన్లు సరిగ్గా పనిచేయడంలో విఫలమవుతాయి.

దీనివల్ల ఎముకలకు బదులుగా ధమనుల్లో, గుండె కవాటాల్లో కాల్షియం పేరుకుపోతుంది. ఇది ధమనుల్ని ఇరుకుగా చేసి గట్టిపరుస్తుంది, రక్త ప్రవాహాన్ని పరిమితం చేస్తుంది. దీంతో అధిక రక్తపోటు, గుండెపోటు, స్ట్రోక్ ప్రమాదాన్ని గణనీయంగా పెంచుతుంది. దీంతో, పాటు విటమిన్ కె లోపం కొన్ని లక్షణాలు కనిపిస్తాయి.

అధిక రక్తస్రావం

అధిక రక్తస్రావం అనేది విటమిన్ కె లోపం యొక్క అత్యంత సాధారణ లక్షణం. రక్తం గడ్డకట్టడానికి విటమిన్ కె చాలా అవసరమని మనందరికీ తెలిసిన విషయమే. విటమిన్ కె లోపం ఉంటే అధిక రక్తస్రావం అవుతుంది. గాయం తర్వాత రక్తస్రావం ఆగదు. ఇది కష్టతరం చేస్తుంది.

ఎముకల బలహీనత

ఎముకల ఆరోగ్యానికి విటమిన్ కె చాలా అవసరం. ఇది ఎముకల్లో కాల్షియంను బంధించే ఆస్టియోకాల్సిన్ అనే ప్రోటీన్‌ను సక్రియం చేస్తుంది. అదే విటమిన్ కె లోపం ఉంటే ఎముకలు బలహీనపడతాయి. బోలు ఎముకల వ్యాధి ప్రమాదాన్ని పంచుతుంది. అంతేకాకుండా పగుళ్ల ప్రమాదం కూడా పెరుగుతుందని నిపుణులు అంటున్నారు.

ఇతర లక్షణాలు

* చిన్న గాయాలతో కూడా అధిక రక్తస్రావం

* ముక్కు నుంచి రక్తం కారడం

* స్త్రీల్లో అధిక ఋతుస్రావం

* నెమ్మదిగా గాయం నయం కావడం

* గోరు కింద చిన్నగా రక్తం గడ్డకట్టడం

* చిగుళ్ళలో రక్తస్రావం

* అకాల దంతక్షయం

* దంతాలు, చిగుళ్లకు సంబంధించిన సమస్యలు

* అలసట, బలహీనత

* తల తిరగడం

విటమికె లోపం వల్ల వచ్చే ఇతర సమస్యలు

* క్షీణిస్తున్న ఊపిరితిత్తుల ఆరోగ్యం

* దీర్ఘకాలిక అబ్స్ట్రక్టివ్ పల్మనరీ డిసీజ్ 

* ఉబ్బసం

* అలెర్జీ బ్రోన్కైటిస్

* ఊపిరితిత్తుల శ్వాసలో గురక కలిగించే ఏదైనా అనారోగ్యం

* శ్వాసకోస పనితీరు తగ్గడం

విటమిన్ కె లోపాన్ని భర్తీ చేసే ఆహారాలు

* ఆకుకూరలు

* గోధుమ, బార్లీ గింజలు

* ముల్లంగి, బీట్‌రూట్

* పండు మిర్చి

* అరటిపండు

* మొలకెత్తిన ధాన్యాలు

* జ్యూసీగా ఉండే పండ్లు

* గుడ్లు

* మాంసం