చికెన్ లేదా మటన్ రెండింటిలో ఏది గుండెపోటు ముప్పు

ప్రపంచంలో మాంసాహార ప్రియులకు కొరత లేదు. చికెన్, మటన్, చేపలు, రొయ్యలు, పీతల్ని నాన్‌వెజ్ ప్రియులు ఇష్టంగా తింటారు. చాలా మంది చికెన్ లేదా మటన్ చాలా ఇష్టంగా తింటారు. చికెన్, మటన్‌ బోలెడు వెరైటీల్ని ఇష్టంగా లాగిస్తారు. శాఖాహారం లేదా మాంసాహారం తినడం గురించి వేర్వేరు అభిప్రాయాలు ఉన్నట్టే.. చికెన్, మటన్ గురించి కూడా భిన్నాభిప్రాయాలు ఉన్నాయి.

కొందరు చికెన్ తినడాన్ని ఇష్టపడతారు. మరికొందరు మటన్‌ను ఇష్టంగా తింటుంటారు. అయితే, చాలా మంది ఓ డౌట్ ఉంటుంది. ఆరోగ్యానికి చికెన్ మంచిదా లేదా మటన్ అని ఆలోచిస్తారు. రెండింటిలో ప్రోటీన్ ఎక్కువగా ఉంటుంది. అయితే, ఈ రెండింటిలో ఏది ఆరోగ్యానికి మంచిది? ముఖ్యంగా గుండెకి ఏది మంచిది అన్న వివరాల్ని డాక్టర్ రాజేంద్ర తెలిపారు. ఈ విషయాల్ని ఆయన తన ఇన్‌స్టాగ్రామ్ ఖాతాలో షేర్ చేశారు. ఆ పూర్తి వివరాలు గురించి ఇప్పుడు తెలుసుకుందాం.

 చికెన్‌లో ఏం ఉంటాయి?

చికెన్ బ్రెస్ట్‌లో తక్కువ కొవ్వు, ప్రోటీన్ అధికంగా ఉంటుంది. మీరు 100 గ్రాముల చికెన్ బ్రెస్ట్ తింటే.. దాదాపు 32 గ్రాముల ప్రోటీన్ శరీరానికి చేరుతుంది. మరోవైపు, చికెన్ తొడల్లో ఎక్కువ కొవ్వు, తక్కువ ప్రోటీన్ ఉంటుంది.

చికెన్ లెగ్‌పీస్‌లో దాదాపు 24-26 గ్రాముల ప్రోటీన్ కనిపిస్తుంది. చికెన్ తినేవారి శరీరంలో ప్రోటీన్ లోపం ఉండదు. అందుకే జిమ్ చేసే వారు ఎక్కువగా చికెన్ తినడానికి ఆసక్తి చూపుతారు. ఇది బెస్ట్ ఆప్షన్ అంటారు నిపుణులు.

మటన్‌లో ఏం ఉంటాయో తెలుసా?

చికెన్ కంటే మటన్‌లో ఎక్కువ ప్రోటీన్, మినరల్స్ ఉంటాయి. అయితే ఇందులో చికెన్ కంటే ఎక్కువ కొవ్వు ఉంటంది. మటన్ వెనుక భాగం శరీరానికి చాలా ప్రయోజనకరంగా పరిగణించబడుతుంది. 100 గ్రాముల బ్యాక్ సైడ్ మటన్‌లో దాదాపు 25-27 గ్రాముల ప్రోటీన్, 12-14 గ్రాముల కొవ్వు ఉంటుంది.

అదేవిధంగా, ఒక లెగ్ పీస్ మటన్‌లో కూడా 26 గ్రాముల ప్రోటీన్ ఉంటుంది. జిమ్‌కి వెళ్లేవారు మటన్ లెగ్ తినడానికి ఇష్టపడతారు. ఇందులో తక్కువ కొవ్వు ఉంటుంది. ప్రోటీన్‌తో పాటు మటన్‌లో ఐరన్, జింక్, విటమిన్ బి12 కూడా ఉంటాయి.

చికెన్ తినడం వల్ల లాభనష్టాలు

చికెన్ తినడం వల్ల బరువు నియంత్రణ ఉంటుంది. మెదడు ఆరోగ్యం మెరుగుపడుతుంది. ప్రోటీన్ అధికంగా ఉండటం వల్ల కడుపు నిండిన అనుభూతిని ఇచ్చి అతిగా తినకుండా నివారిస్తుంది. ఇందులో ఉండే ట్రిప్టోఫాన్ సెరోటోనిన్ ఉత్పత్తికి సాయపడుతుంది.

అలాగే, బి విటమిన్లు మెదడు పనితీరుకు దోహదపడుతుంది. ఇది గుండె ఆరోగ్యానికి మంచిది. అయితే, ప్రాసెస్ చేసిన చికెన్ ఉత్పత్తుల్లో అనారోగ్యకరమైన కొవ్వులు, ప్రిజర్వేటివ్స్, అధిక ఉప్పు ఉంటాయి. ఇవి తినడం వల్ల ఆరోగ్యం ప్రమాదంలో పడుతుంది.

మటన్ తినడం వల్ల లాభనష్టాలు

ప్రోటీన్‌తో పాటు మటన్‌లో ఐరన్, జింక్, విటమిన్ బి12 వంటి పోషకాలు లభిస్తాయి. ఇది మెదడు పనితీరును మెరుగుపరుస్తుంది. ఇందులో ఉండే ఫాస్ఫరస్ ఎముకలు, దంతాల్ని బలపరుస్తాయి. ఇందులో ఉండే జింక్, సెలీనియం రోగనిరోధక వ్యవస్థను బలోపేతం చేస్తాయి.

అయితే, మటన్ శరీరంలో కొలెస్ట్రాల్‌ను పెంచుతుంది. ఇది వ్యాధుల ప్రమాదాన్ని పెంచుతుంది. మటన్ తినడం మంచిదే అయినప్పటికీ, పోషకాహార నిపుణులు దీనిని మితంగా తినాలని అంటున్నారు.

గుండె ఆరోగ్యానికి ఏది మంచిది?

డాక్టర్ రాజేంద్ర ప్రకారం గుండె ఆరోగ్యంతో పాటు డయాబెటిస్ వంటి వాటికి రెండింటిలో చికెన్ మంచిదని చెప్పారు. చికెన్‌లో కొవ్వు తక్కువగా ఉంటుంది. ఇది గుండె ఆరోగ్యానికి మంచిది. మటన్‌లో సంతృప్త కొవ్వు, కొలెస్ట్రాల్ అధికంగా ఉంటుంది. ఇది ఎక్కువగా తీసుకోవడం వల్ల గుండెపోటు ప్రమాదం పెరుగుతుందని డాక్టర్ రాజేంద్ర అంటున్నారు. అందుకే దీన్ని మితంగా తీసుకోవడం మంచిది. అంతేకాకుండా షుగర్ ఉన్నవారు చికెన్ తినడం మంచిదని నిపుణులు అంటున్నారు. అయితే, చికెన్ కంటే నాటుకోడి మాంసం బెస్ట్ అంటున్నారు. చేప కూడా గుండె ఆరోగ్యానికి మంచిదని డాక్టర్ రాజేంద్ర అంటున్నారు.