పంచదార బదులు బెల్లం మంచిదని తింటే సమస్యలు తప్పవ్

​పంచదార మంచిది కాదు. మరీ దాని బదులు బెల్లం మంచిదని చెప్పి చాలా మంది బెల్లానికి షిఫ్ట్ అయ్యారు. కానీ, బెల్లంలోనూ గ్లైసెమిక్ ఇండెక్స్ ఎక్కువగా ఉంటుంది. దీనిని తీసుకోవడం ఆరోగ్యానికి అస్సలు మంచిది కాదని చెబుతున్నారు. దీంతో ఏం తినాలో తెలియక చాలా మంది తికమకపడుతున్నారు. అలాంటివారికి ఆయుర్వేద డాక్టర్ రసగ్న మంచి ఆల్టర్నేటివ్స్ గురించి చెబుతున్నారు. ఇన్‌స్టాగ్రామ్‌లో షేర్ చేసిన వీడియోలో ఆమె చెప్పిన ముఖ్య విషయాల గురించి తెలుసుకుందాం.

బెల్లం ఎందుకు మంచిది కాదు

పంచదార కంటే బెల్లం మంచిదని చాలా మంది బెల్లాన్ని ఎక్కువగా వాడడం అలవాటు చేసుకున్నారు. టీ, కాఫీ, స్వీట్స్ ఇలా అన్నింటిలోనూ బెల్లం పౌడర్ వేయడం అలవాటు చేసుకున్నారు. అయితే, ఇప్పుడు కొంతమంది నిపుణుల ప్రకారం పంచదారలోని గ్లైసెమిక్ ఇండెక్స్ కంటే బెల్లంలోని గ్లైసెమిక్ ఇండెక్స్ చాలా ఎక్కువ. దీనిని తీసుకోవడం వల్ల సమస్యలొస్తాయి. కాబట్టి, బెల్లాన్ని వాడకపోవడమే మంచిదని చెబుతున్నారు. దాని బదులు ఏం తీసుకోవాలంటే

మాంక్ ఫ్రూట్

మాంక్ ఫ్రూట్ అనేది నేచురల్ స్వీటెనర్. ఇందులో కేలరీలు తక్కువగా ఉంటాయి. దీనిని తీసుకోవడం వల్ల బ్లడ్ షుగర్ లెవల్స్ కంట్రోల్ అవుతాయి. పైగాబరువు తగ్గడానికి హెల్ప్ అవుతుంది. దంత ఆరోగ్యానికి కూడా ఎలాంటి ఇబ్బంది ఉండదు. దీనిని మనం కీటో డైట్స్ చేసినప్పుడు కూడా తీసుకోవచ్చు. మాంక్‌ఫ్రూట్‌లో మనకి యాంటీ ఆక్సిడెంట్స్ ఉంటాయి. ఇవన్నీ కూడా ఆక్సిడేటివ్ స్ట్రెస్‌ని తగ్గిస్తాయి. ఇన్‌ఫ్లమేషన్ తగ్గుతుంది. దీంతో మొత్తం గట్ హెల్త్‌కి మంచిది. ఈ మాంక్‌ఫ్రూట్‌ని మనం బేకింగ్‌లో కూడా వాడొచ్చు.

డేట్స్ పౌడర్

ఖర్జూరం పౌడర్ కూడా చాలా మంచిది. ఇదో ఎనర్జీ బూస్టర్. దీనిని తీసుకోవడం వల్ల జీర్ణ సమస్యలు తగ్గుతాయి. పంచదారకి మంచి ఆల్టర్నేటివ్. ఇందులో ఫైబర్, యాంటీ ఆక్సిడెంట్స్, ఐరన్, కాల్షియం, పొటాషియంలు ఉంటాయి. ఇవన్నీ కూడా ఎముకలకి మంచిది. గుండె, జీర్ణ ఆరోగ్యానికి కూడా మంచిది. ఈ ఖర్జూరం పొడిని తీసుకోవడం వల్ల అనీమియా తగ్గుతుంది. బ్లడ్‌షుగర్‌తో బాధపడేవారికి పంచదార కంటే ఈ డేట్ పౌడర్ ఎంతో మంచిది.

సీ సాల్ట్ డార్క్ చాక్లెట్

తియ్యగా ఏమైనా తినాలనుకునేవారికి ఈ సీ సాల్ట్ చాకోలేట్ కూడా చాలా మంచిది. ఇందులో ఎక్కువగా యాంటీ ఆక్సిడెంట్స్ ఉంటాయి. ఇవి బాడీలోని ఫ్రీ రాడికల్స్‌తో పోరాడతాయి. దీంతోపాటు క్రానిక్ ప్రాబ్లమ్స్ రాకుండా చేస్తాయి. స్వీట్స్ తినాలని క్రేవింగ్స్ ఉన్నప్పుడు దీనిని తినొచ్చు.

పంచదార బదులు ఏం తినాలి?

ఇవన్నీ కూడా

అయితే, ఇవన్నీ కూడా మనకి పంచదార బదులు, స్వీట్స్ బదులు హ్యాపీగా తీసుకోవచ్చు. అయితే, పరిమాణంలో మాత్రమే తీసుకోవాలి. ఎక్కువగా తినొద్దు దీంతో లేనిపోని సమస్యలొస్తాయి. కాబట్టి, చక్కగా వీటన్నింటిని తినొచ్చు.