కన్నీరుపెట్టిన ఏపీ మంత్రి
Andhra Pradesh Telugu | Suryaa Desk | Published : Wed, Dec 25, 2019, 12:18 PM
నెల్లూరు జిల్లాలోని తన సొంత గ్రామంలో ఏపీ మంత్రి మేకపాటి గౌతమ్ రెడ్డి తన తండ్రి రాజమోహన్ రెడ్డితో కలిసి పర్యటించారు. పర్యటనలో భాగంగా గ్రామంలో పలు అభివృద్ధి కార్యక్రమాలకు శ్రీకారం చుట్టారు. అనంతరం గ్రామంలో ఏర్పాటు చేసిన సభావేదికపై మంత్రి మేకపాటి గౌతమ్ మాట్లాడుతూ... ఒక్కసారిగా భావోద్వేగానికి గురయ్యారు. తన తండ్రి కోరికను గుర్తుచేసుకుని ఎమోషన్ అయ్యారు. తన తండ్రి కోరికను తప్పకుండా నేరవేరుస్తామని హామీ ఇచ్చారు.
మేకపాటి గౌతమ్ రెడ్డి కంటే ముందు తన తండ్రి మాట్లాడుతూ.. తన సొంత గ్రామంలో చెరువు నిర్మాణం పూర్తి చేసి అది నీళ్లతో కలకలాడుతూ ఉంటే చూడాలని ఉందని భావోద్వేగంతో ప్రసంగించారు. మూడేళ్లలో సోమశిల హై లెవల్ ప్రాజెక్ట్ పూర్తి చేసి గ్రామాల చెరువులను నింపాలని కోరారు. చెరువులలో నీళ్లు ఉండడం వల్ల వలసలు ఆగి ప్రజలు వ్యవసాయంపై దృష్టి పెడుతారని దీనికి సహకరించాలని అధికారులకు విజ్ఞప్తి చేశారు.
|
|