అన్ని రాష్ట్రాల సీఎంలతో ప్రధాని మోదీ వీడియో కాన్ఫరెన్స్
Andhra Pradesh Telugu | Suryaa Desk | Published : Tue, Jun 16, 2020, 04:59 PM
అన్ని రాష్ట్రాల సీఎంలతో ప్రధాని మోదీ వీడియో కాన్ఫరెన్స్ జరుపుతున్నారు. దేశంలో కొవిడ్ మరణాల సంఖ్య తక్కువగానే ఉంది. అయితే ప్రతి ఒక్కరూ మాస్క్ ధరించడం తప్పనిసరి. మాస్కులు లేకుండా ప్రజలు బయటకు వెళ్లకూడదు అని ప్రధానమంత్రి నరేంద్ర మోదీ కోరారు. కరోనా వ్యాప్తి, లాక్ డౌన్ అంశాలపై ప్రధాని రాష్ట్రాల ముఖ్యమంత్రులతో మాట్లాడుతున్నారు. ‘ప్రతి ఒక్కరూ కరోనా నిబంధనలు పాటిస్తే తక్కువ నష్టం ఉంటుంది. మాస్కు ధరించడం వల్ల మీతోపాటు మీ పక్కవాళ్లకూ మంచిది. కరోనా వ్యాప్తి నివారణ కోసం భారత్ తీసుకున్న చర్యలను వైద్య రంగ నిపుణులు ప్రశంసించారు. లాక్డౌన్ సడలింపుల తర్వాత ఆర్థిక వ్యవస్థ క్రమంగా పుంజుకుంటోంది అని ప్రధాని చెప్పారు. కరోనా ప్రభావం పెరుగుదల, వ్యాప్తి నివారణ చర్యలు, ఆర్థిక కార్యకలాపాల కొనసాగింపు వంటి అంశాలపై చర్చించడానికి వివిధ రాష్ట్రాల ముఖ్యమంత్రులతో ప్రధానమంత్రి నరేంద్ర మోదీ సమావేశం అవుతున్నారు. 17 మంది సీఎంలు, కేంద్ర పాలిత ప్రాంతాల పాలనాధికారులతో వీడియో కాన్ఫరెన్స్ నిర్వహిస్తున్నారు.
|
|