విశాఖ కేంద్రంగా పరిపాలన రాజధాని ఏర్పాటు తథ్యం: అవంతి శ్రీనివాస్

ప్రపంచంలో ఉన్న తెలుగు వారికి మంత్రి అవంతి శ్రీనివాస్ తెలుగు భాష దినోత్సవం శుభాకాంక్షలు తెలిపారు. తెలుగు భాష దినోత్సవాన్ని పురస్కరించుకొని బీచ్ రోడ్‌లోని తెలుగుతల్లి విగ్రహానికి మంత్రి అవంతి పూలమాలవేశారు. అనంతరం మంత్రి అవంతి మాట్లాడుతూ మాతృభాషను పరిరక్షించుకోవలసిన బాధ్యత అందరిపై ఉందన్నారు. తెలుగు భాషకు ప్రాచీన చరిత్ర ఉందని... తెలుగు వాడుక భాషను ప్రాచుర్యంలోకి తీసుకువచ్చిన వ్యక్తి గిడుగు రామమూర్తి పంతులని గుర్తుచేశారు. ముఖ్యమంత్రి జగన్మోహన్ రెడ్డి తెలుగు భాషకు పెద్ద పీట వేస్తున్నారని తెలిపారు. ప్రభుత్వ పాఠశాలలో ఆంగ్ల మాంద్యం ప్రెవేశపెట్టినంత మాత్రాన తెలుగును నిర్లక్ష్యం చేసినట్లు కాదన్నారు. ప్రతి సమస్యకు కులం, ప్రాంతం ఆపధిస్తున్నారని మండిపడ్డారు. రాష్ట్ర అభివృద్ధిని చంద్రబాబు నాయుడు అండ్ కో అడుగడుగునా అడ్డుకుంటుందని విమర్శించారు.
ప్రజాధనం దుర్వినియోగం అవ్వకూడదని గెస్ట్ హౌస్‌ను విశాఖలో నిర్మిస్తున్నామని తెలిపారు. దానిపై కొందరు అసత్య ప్రచారాలు చేస్తున్నారని మండిపడ్డారు. విశాఖ కేంద్రంగా పరిపాలన రాజధాని ఏర్పాటు చేయడం తధ్యమని స్పష్టం చేశారు. ఎవరు అడ్డు వచ్చిన అరచేతిలో సూర్యుని అపలేరన్నారు. చంద్రబాబు నాయుడు ఎన్ని కుతంత్రాలు పన్నిన విశాఖలో పరిపాలన రాజధానిని ఆపలేరని తెలిపారు. సింహాచలం భూములు గత ప్రభుత్వంలో లీజ్ వ్యహారాలు నడిచాయని... పంచ గ్రామాల సమస్య పరిష్కారం చేస్తామని చెప్పారు. భూముల లీజ్ విషయంలో అనవసరంగా రాద్ధాంతం చేస్తున్నారని మంత్రి అవంతి శ్రీనివాస్ మండిపడ్డారు. ఈ కార్యక్రమంలో ఎమ్మెల్యే ధర్మ శ్రీ, యార్లగడ్డ లక్ష్మిప్రసాద్, వంగపండు పద్మ పాల్గొన్నారు.