ట్రెండింగ్
జైల్లో పెట్టినా వెనక్కు తగ్గను: ముద్రగడ
Andhra Pradesh Telugu | Suryaa Desk | Published : Wed, Jul 12, 2017, 02:31 PM
కాకినాడ: కాపుల రిజర్వేషన్ కోసం ఈ నెల 26న తాను తలపెట్టిన పాదయాత్ర యథాతథంగా కొనసాగుతుందని కాపుల ఉద్యమ నేత ముద్రగడ పద్మనాభం తెలిపారు. పాదయాత్ర విషయంలో జైల్లో పెట్టినా వెనుకకు తగ్గబోనని, నిరవధికంగా పాదయాత్ర కొనసాగి తీరుతుందని ఆయన చెప్పారు. కాపులకు రిజర్వేషన్ అడుగటం తాను చేసిన నేరమా? అని ఆయన ప్రభుత్వాన్ని నిలదీశారు.చంద్రబాబు బాటలోనే నేను పాదయాత్ర చేస్తా. గతంలో చంద్రబాబు పాదయాత్రకు ఎలాంటి అనుమతులు తీసుకున్నారో.. ఆ ఫార్మాట్ను నాకు పంపించండి' అని ముద్రగడ విలేకరులతో అన్నారు. కాపుల రిజర్వేషన్లపై జీవో 30ని అమలు చేస్తానని చెప్పిన చంద్రబాబు.. తన ఉద్యమాన్ని అణిచేందుకు సెక్షన్ 30ఏను అమలు చేస్తున్నారని మండిపడ్డారు. తన ఇంటి చుట్టూ, జిల్లా అంతటా పోలీసులను మోహరించారని తెలిపారు.
|
|