అశ్విన్ అరుదైన ఘనత
national | Suryaa Desk | Published : Mon, Feb 08, 2021, 03:59 PM
టీమిండియా సీనియర్ స్పిన్నర్ రవిచంద్రన్ అశ్విన్ 100 ఏళ్ల నాటి రికార్డును బ్రేక్ చేశాడు. టెస్ట్ ఇన్నింగ్స్ మొదటి బంతికే వికెట్ తీసిన తొలి భారత స్పిన్నర్గా రికార్డుల్లోకి ఎక్కాడు. ఇప్పటివరకు ఏ భారత స్పిన్నర్ కూడా టెస్ట్ ఇన్నింగ్స్ మొదటి బంతికి వికెట్ తీయలేదు. మరోవైపు ఇన్నింగ్స్ మొదటి బంతికి వికెట్ తీసిన మూడో స్పిన్నర్గా కూడా రికార్డు నెలకొల్పాడు. చెన్నై చెపాక్ మైదానంలో ఇంగ్లండ్తో జరుగుతున్న తొలి టెస్టు రెండో ఇన్నింగ్స్లో అశ్విన్ ఈ రికార్డు తన ఖాతాలో వేసుకున్నాడు. ఇన్నింగ్స్ మొదటి ఓవర్ ఫస్ట్ బాల్ని ఆఫ్ స్టంప్కి వెలుపలగా విసిరిన అశ్విన్ కొద్దిగా టర్న్ చేశాడు. దీంతో ఆ బంతిని డిఫెన్స్ చేసేందుకు ఓపెనర్ రోరీ బర్న్స్ (0) ట్రై చేయగా.. అదనపు బౌన్స్ కారణంగా ఎడ్జ్ తాకిన బంతి స్లిప్లోకి వెళ్లింది. అక్కడే ఉన్న అజింక్య రహానె ఎలాంటి తడబాటు లేకుండా చక్కగా క్యాచ్ అందుకున్నాడు. భారత క్రికెట్ చరిత్రలో ఇప్పటి వరకూ ఇన్నింగ్స్ ఫస్ట్ బాల్కి ఏ స్పిన్నర్ కూడా వికెట్ పడగొట్టలేదు.
|
|