ట్రెండింగ్
ఇష్టం లేని పెళ్లి చేశారని భర్త ముఖంపై వేడి నూనె!
Andhra Pradesh Telugu | Suryaa Desk | Published : Sat, Dec 11, 2021, 11:55 AM
తనకు ఇష్టం లేని పెళ్లి చేశారని కట్టుకున్న భర్తపై ఓ భార్య దారుణానికి తెగబడింది. ఆంధ్రప్రదేశ్ లోని విజయనగరం జిల్లా శృంగవరపుకోట మండలంలో ఈ ఘటన చోటు చేసుకుంది. వెంకటరమణపేట గ్రామానికి చెందిన పిల్లల గంగునాయుడు, సత్యవతిలకు 2017లో వివాహం జరిగింది. సత్యవతికి ఈ పెళ్లి ఇష్టం లేకపోవడంతో పెళ్లి అయిన తరువాత నుంచి భార్యాభర్తల మధ్య తరచూ గొడవలు జరుగుతుండేవి. ఈ క్రమంలో గత గురువారం ఇద్దరి మధ్య మరోసారి గొడవ జరిగింది. దీంతో భర్తపై కక్ష్య పెంచుకున్న భార్య అదే రోజు రాత్రి నిద్రిస్తున్న గంగునాయుడిపై సత్యవతి సలసల కాగే నూనెను పోసింది. తీవ్ర గాయాలైన గంగునాయుడును కుటుంబ సభ్యులు శృంగవరపుకోట ప్రభుత్వ ఆసుపత్రికి తరలించారు. అనంతరం పోలీసులకు ఫిర్యాదు చేశారు.
|
|