ప్రయాణికుల ప్రాణాలతో చెలగాటం.. పట్టించుకోని అధికారులు
Andhra Pradesh Telugu | Suryaa Desk | Published : Tue, Dec 14, 2021, 12:21 PM
గుంటూరు: వేమురు నియోజకవర్గం అమృతలూరు మండల పరిధిలో పరిమితికి మించి కూలీలను ఆటోల్లో ఎక్కిస్తూ. కుక్కేస్తూ ఆటో డ్రైవర్లు ప్రయాణికుల ప్రాణాలతో చెలగాటం ఆడుతున్నారు. ప్రమాదాలు జరిగిన తర్వాత బాధపడటం కంటే ముందు గానే జాగ్రత్తగా వ్యవహరించాలనే విషయాన్ని మరచిపోతున్నారు. ప్రస్తుతం డెల్టా ప్రాంతంలో వ్యవసాయ పనులు ముమ్మరంగా సాగుతున్నాయి. పొరుగు గ్రామాల నుంచి కూలీలు పనులు ఉన్న గ్రామాలకు తరలివస్తున్నారు.
వీరు ఎక్కువగా ఆటోలను ఆశ్రయిస్తున్నారు. ట్రక్ ఆటోల్లో కూడా ప్రయాణం చేస్తున్నారు. ఒక్కో ఆటోలో 16 నుంచి 20 మంది వరకు ఎక్కించి కుక్కేస్తున్నారు. ప్రమాదాల గురించి ఆలోచించకుండా ఆదాయమే లక్ష్యంగా ఆటో డైవర్లు వ్యవహరిస్తున్నారు. పోలీసులు, రవాణా శాఖ అధికారులు ఏ కారణం వల్ల తనిఖీలు చేయడం లేదో అర్ధం కావడంలేదని ప్రజలు విమర్శిస్తున్నారు. కూలీలకు, ఆటో డ్రైవర్లకు అవగాహన కల్పిస్తే భవిష్యత్లో ప్రమాదాలు నివారించవచ్చని అంటున్నారు.
|
|