ఏపీ లో జిల్లాల వారీగా కరోనా కేసుల సమాచారం
Andhra Pradesh Telugu | Suryaa Desk | Published : Thu, Dec 30, 2021, 08:54 PM
ఈ కరోనాతో పాటు..కొత్త వేరియంట్ ఓమిక్రాన్ జిల్లాలకు విస్తరిస్తోంది. బుధవారం నాటికి ఏపీలో 16 ఓమిక్రాన్ కేసులు నమోదయ్యాయి. ప్రభుత్వం పలు జాగ్రత్తలు తీసుకోవాలని అధికారులకు సూచనలు, సలహాలు జారీ చేస్తోంది.
ఇక కరోనా విషయానికొస్తే 24 గంటల్లో 130 మందికి సోకింది. నెల్లూరులో ఒకరు మృతి చెందినట్లు ప్రభుత్వం విడుదల చేసిన హెల్త్ బులెటిన్లో పేర్కొంది. రాష్ట్రంలో ప్రస్తుతం నమోదైన మొత్తం 20,74,084 పాజిటివ్ కేసుల్లో 20,58,510 మంది డిశ్చార్జ్ అయ్యారు. 14,493 మంది మరణించారు. ప్రస్తుతం చికిత్స పొందుతున్న వారి సంఖ్య 1,081.
విశాఖపట్నం జిల్లాలో అత్యధికంగా 30 మందికి వ్యాధి సోకింది. 33 వేల 188 శాంపిళ్లను పరీక్షించగా.. 130 మందికి కరోనా ఇన్ఫెక్షన్ ఉన్నట్లు నిర్ధారణ అయింది. గడిచిన 24 గంటల్లో 97 మంది కోవిడ్ నుంచి పూర్తిగా కోలుకుని ఆరోగ్యంగా ఉన్నారు. ఇప్పటి వరకు రాష్ట్రంలో 3,12,95,287 నమూనాలను పరీక్షించారు.
జిల్లాల వారీగా కేసులు : అనంతపురం 07. చిత్తూరు 18. ఈస్ట్ గోదావరి 14. గుంటూరు 07. వైఎస్ఆర్ కడప 07. కృష్ణా 18. కర్నూలు 02. నెల్లూరు 06. ప్రకాశం 05. శ్రీకాకుళం 05. విశాఖపట్టణం 30. విజయనగరం 03. వెస్ట్ గోదావరి 08. మొత్తం : 130
|
|