ప్రేమ పెళ్లి.. భర్త వేధింపులు భరించలేక భార్య ఆత్మహత్య
national | Suryaa Desk | Published : Wed, Feb 09, 2022, 12:29 PM
భర్త వేధింపులు భరించలేక భార్య ఆత్మహత్య చేసుకున్న కేరళలో చోటుచేసుకుంది. వివరాల్లోకి వెళితే కేరళలోని కొల్లాం జిల్లాకు చెందిన అథీరా అనే యువతి ఐదేళ్ల క్రితం సుబిన్ అనే యువకుడితో ప్రేమలో పడింది. సుబిన్ సొంతూరు కొల్లాం మున్సిపాలిటీ పరిధిలో ఉన్న కరునగపల్లి. 2016లో వీళ్లిద్దరూ పెద్దలను ఒప్పించి పెళ్లి చేసుకున్నారు. పెళ్లి సమయంలో అథీరా కుటుంబం అల్లుడికి ఉన్నంతలో కట్నకానుకలు ముట్టజెప్పింది. అయితే పెళ్లైన కొన్ని రోజులకే సుబిన్ చెడు వ్యసనాలకు అలవాటు పడ్డాడు. పిల్లలు పుట్టకపోవడానికి భార్యనే కారణంగా చూపుతూ ఆమెను హింసించడం మొదలుపెట్టాడు.
భర్త వేధింపులు భరించలేక అథీరా పుట్టింటికి వెళ్లిపోయింది. అయితే తన తప్పు తెలుసుకున్నానని, భార్యను బాగా చూసుకుంటానని చెప్పి అథీరాను సుబిన్ కాపురానికి తీసుకెళ్లాడు. మూడు వారాల క్రితం భార్యను కాపురానికి తీసుకొచ్చుకున్న సుబిన్ మళ్లీ గతంలో మాదిరిగానే ఆమెను హింసించడం మొదలుపెట్టాడు. దీంతో అథీరా భర్త వేధింపులు భరించలేక గదిలోని సీలింగ్ ఫ్యాన్ కు ఉరేసుకుని ప్రాణాలు తీసుకుంది. పోలీసులు ఈ ఘటనపై కేసు నమోదు చేసి దర్యాప్తు చేస్తున్నారు.
|
|