గూగులో అలా సర్చ్ చేయోద్దు: ఎస్బీఐ హెచ్చరిక

మనకు ఏ అవసరం వచ్చినా పొరుగు వారిని అడిగే కంటే గూగుల్ సర్చ్ లో వెళ్లడం ఈ రోజు ప్రతి ఒక్కరికి అలవాటుగా మారింది. అయితే ఎస్‌బీఐ క్రెడిట్ కార్డు వాడుతున్నారా? అయితే మీకు ముఖ్యమైన అలర్ట్. ఎస్‌బీఐ కార్డు తన కస్టమర్లకు హెచ్చరిస్తోంది. ఎస్‌బీఐ క్రెడిట్ కార్డు వాడే వారు గూగుల్ సెర్చ్ ఇంజిన్‌లో కస్టమర్ కేర్ నెంబర్ల కోసం సెర్చ్ చేయొద్దని తెలిపింది. ఇకవేళ ఇలా చేస్తే మోసపోవాల్సి వస్తుందని హెచ్చరించింది. ఫేక్ కస్టమర్ కేర్ నెంబర్లు ఉండొచ్చని సూచించింది. అందుకే గూగుల్‌లో కస్టమర్ కేర్ నెంబర్ల కోసం వెతకవద్దని తెలిపింది. క్రెడిట్ కార్డు కస్టమర్లు ఏమైనా అవసరం ఉంటే నేరుగా ఎస్‌బీఐ కార్డు అధికారిక వెబ్‌సైట్‌లోకి వెళ్లి కస్టమర్ కేర్ నెంబర్ల వివరాలు పొందొచ్చని తెలిపింది. లేదంటే ఫేక్ నెంబర్లకు కాల్ చేయడం ద్వారా మోసపోవాల్సి రావొచ్చని అప్రమత్తం చేసింది. మీరు ఎవరికైనా కాల్ చేసి, లేదంటే మీకు ఎవరైనా కాల్ చేస్తే వ్యక్తిగత, బ్యాంకింగ్ వివరాలు తెలియజేయవద్దని కోరింది. కార్డు నెంబర్, అకౌంట్ నెంబర్, సీవీవీ, ఓటీపీ, పిన్ నెంబర్ వంటివి పొరపాటున కూడా చెప్పవద్దని పేర్కొంది. 18605001290, 18601801290 లేదా లోకల్ ఎస్‌టీడీ కోడ్‌తో 39020202 లేదా టోల్ ఫ్రీ నెంబర్ 18001801290, 18601807777 కాల్ చేయవచ్చని ఎస్‌బీఐ కార్డు తెలిపింది. సమాచారం పొందటానికి లేదా ఫిర్యాదు చేయడానికి ఈ నెంబర్లను ఉపయోగించుకోవచ్చని సూచించింది. సోమవారం నుంచి శనివారం వరకు ఉదయం 8 గంటల నుంచి రాత్రి 8 గంటల వరకు ఎస్‌బీఐ కార్డు కస్టమర్ కేర్ సేవలు అందుబాటులో ఉంటాయని వివరించింది. అంతేకాకుండా క్రెడిట్ కార్డు వాడే వారు కొన్ని విషయాలు గుర్తుపెట్టుకోవాలి. క్రెడిట్ కార్డు వల్ల ఎన్ని లాభాలు ఉన్నాయో అదే స్థాయిలో నష్టాలు కూడా ఉంటాయి. అందుకే కార్డును ఇష్టానుసారంగా ఉపయోగించకూడదు. లేదంటే అప్పుల ఊబిలో కూరుకుపోయే ప్రమాదం ఉంటుంది. అంతేకాకుండా కార్డు బిల్లు మొత్తాన్ని ప్రతి నెలా క్రమం తప్పకుండా చెల్లిస్తూ రావాలి. మీరు డబ్బులు కట్టకపోతే మాత్రం ఇబ్బందులు పడాల్సి వస్తుంది. వడ్డీ భారం పెరిగిపోతుంది. అంతేకాకుండా క్రెడిట్ స్కోర్ కూడా దెబ్బతింటుంది. అందుకే క్రెడిట్ కార్డు వాడే వారు ఈ విషయాలను గుర్తించుకోవాలి.