నేడు కర్నూలులో వివిధ అభివృద్ధి పనులకు శ్రీకారం
Andhra Pradesh Telugu | Suryaa Desk | Published : Thu, Mar 31, 2022, 09:21 AM
కర్నూలు నగర పాలక సంస్థలోని వివిధ వార్డుల్లో అభివృద్ధి పనులను గురువారం ప్రారంభించనున్నట్లు నగర మేయర్ క్యాంపు కార్యాలయం ఒక ప్రకటనలో తెలిపింది. గఫార్ నగర్ లో సైన్స్ థీమ్ పార్క్ రూ. 1. 87 లక్షలతో, కందనవోలు కోటకు రూ. 17 లక్షలు, సుందరయ్య సర్కిల్ లో ఫౌంటేన్ నిర్మాణానికి రూ. 8 లక్షలు, కొత్త బస్టాండ్ ఎదురుగా ఉన్న మార్కెట్ యార్డులో సామూహిక మరుగుదొడ్ల నిర్మాణానికి రూ. 18 లక్షలు, అశోక్ నగర్ లో ఫ్రూటీ థీమ్ పార్క్ కొరకు రూ. 25 లక్షలు, కొండారెడ్డికోట నిర్మాణానికి 145. 30 లక్షలతో చేపట్టారని తెలిపారు.
ఆయా అభివృద్ధి పనులు గురువారం ప్రారంభించనున్నట్లు అధికారులు వెల్లడించారు. ఈ అభివృద్ధి పనుల ప్రారంభోత్సవానికి కర్నూలు నగర్ మేయర్ బీవై రామయ్య, కర్నూలు, కోడుమూరు, పాణ్యం ఎమ్మెల్యేలు హఫీజ్ ఖాన్, జరదొడ్డి సుధాకర్, కాటసాని రాంభూపాల్ రెడ్డి, డిప్యూటీ మేయర్లు, కమిషనర్ డీకే బాలాజీ, కార్పొరేటర్లు హాజరుకానున్నట్లు తెలిపారు.
|
|