అంతర్జాతీయ క్రికెట్కు వీడ్కోలు పలికిన స్టార్ క్రికెటర్
sports | Suryaa Desk | Published : Mon, Apr 04, 2022, 04:58 PM
దాదాపు రెండు దశాబ్దాల పాటు న్యూజిలాండ్ జట్టుకు తన సేవలు అందించిన స్టార్ క్రికెటర్ రాస్ టేలర్ రిటైర్మెంట్ ప్రకటించాడు. అంతర్జాతీయ క్రికెట్కు వీడ్కోలు పలుకుతున్నఅని సోమవారం వెల్లడించాడు. నెదర్లాండ్స్ జట్టుతో సోమవారం జరిగిన వన్డే మ్యాచ్తో తన కెరీర్ను ముగించాడు. ఈ మ్యాచ్లో 16 బంతుల్లో ఒక సిక్సర్ సాయంతో 14 పరుగులు చేసి ఔట్ అయ్యాడు.
మ్యాచ్కు ముందు తమ దేశ జాతీయ గీతం వస్తున్న సమయంలో కన్నీటి పర్యంతం అయ్యాడు. ఇక మ్యాచ్లో ఔట్ అయి పెవిలియన్కు వెళ్తున్న అతడికి నెదర్లాండ్ క్రికెటర్లు గార్డ్ ఆఫ్ హానర్ అందించారు. 2006వ సంవత్సరంలో అంతర్జాతీయ క్రికెట్లో టేలర్ అడుగు పెట్టాడు. న్యూజిలాండ్ తరుపున 112 టెస్టులు, 236 వన్డేలు, 102 టీ20 మ్యాచ్లకు ప్రాతినిథ్యం వహించాడు. టెస్ట్ల్లో 19 సెంచరీలు, 35 హాఫ్ సెంచరీల సాయంతో 7684 పరుగులు, వన్డేల్లో 21 సెంచరీలు, 51 హాఫ్ సెంచరీల సాయంతో 8602 పరుగులు చేశాడు. ఇక టీ20ల్లో 7 హాఫ్ సెంచరీల సాయంతో 1909 పరుగులు రాబట్టాడు. ఇక ఐపీఎల్లోనూ టేలర్ మెరుపులు మెరిపించాడు. మొత్తం 55 మ్యాచ్లలో 3 హాఫ్ సెంచరీల సాయంతో 1017 పరుగులు తన ఖాతాలో వేసుకున్నాడు.
|
|