పవన్ కళ్యాణ్ పై పేర్ని నాని సంచలన వ్యాఖ్యలు
Andhra Pradesh Telugu | Suryaa Desk | Published : Mon, Apr 04, 2022, 05:09 PM
జనసేనాని పవన్ కళ్యాణ్ పై పేర్ని నాని సంచలన వ్యాఖ్యలు చేసారు. ఏపీలో జిల్లాల పునర్వ్యవస్థీకరణతో సీఎం జగన్ చరిత్రలో నూతన అధ్యాయాన్ని లిఖించారని మంత్రి పేర్ని నాని ప్రశంసించారు. మంచి పని చేసిన ముఖ్యమంత్రిని అభినందించాల్సింది పోయి, ప్రతిపక్షాలు విమర్శించడం దారుణమన్నారు. సోమవారం మీడియాతో మాట్లాడుతూ టీడీపీ అధినేత చంద్రబాబు, జనసేన అధ్యక్షుడు పవన్ కళ్యాణ్పై ఘాటు విమర్శలు చేశారు.
చంద్రబాబు దున్నపోతు ఈనిందని చెబితే, పవన్ ఏ మాత్రం ఆలోచించకుండా కట్టేసే రకమని అన్నారు. జిల్లాలకు సంబంధించి రాష్ట్ర ప్రభుత్వం నోటిఫికేషన్ ఇచ్చినప్పుడు వారిద్దరూ ఏమీ మాట్లాడలేదన్నారు. జిల్లాలు ఏర్పాటై, పాలన ప్రారంభించిన తర్వాత విమర్శలు చేయడం తగదన్నారు. చంద్రబాబు ఇచ్చిన స్క్రిప్ట్ను చదవడమే పనిగా పవన్ ఉన్నారన్నారు. మనసు నిండా చంద్రబాబు ఉండడంతో సీపీఎం, సీపీఐలు కూడా టీడీపీ అధినేత బాటలో నడుస్తున్నాయన్నారు.
|
|