పివి కేకే ఐటీ విద్యార్థినికి కూచిపూడి, సత్యభామ అవార్డు
Andhra Pradesh Telugu | Suryaa Desk | Published : Wed, Apr 20, 2022, 12:08 PM
అనంతపురం పివికెకె ఇంజినీరింగ్‌ కళాశాలలో కంప్యూటర్‌ సైన్స్‌ విభాగంలో బీటెక్‌ మూడవ సంవత్సరం చదువుతున్న దుత్తలూరి రామలాలిత్య కూచిపూడి నాట్య రంగంలో సత్యభామ అవార్డు కైవసం చేసుకుంది.
ఈ సందర్భంగా కళాశాల ప్రిన్సిపాల్‌ డా||బండి రమేష్‌బాబు మాట్లాడుతూ ''మార్చి నెలలో సేవ్‌ కూచిపూడి సంస్థ వారు మహిళా దినోత్సవం సందర్భంగా విజయవాడ లోని హనుమంతరాయ గ్రంథాలయం ఆడిటోరియంలో కూచిపూడి నాట్య రంగంలో ప్రఖ్యాతి గాంచిన సత్యభామ అవార్డులకు ఆంధ్ర, తెలంగాణ, తెలుగు రాష్ట్రాల నాట్య కళాకారులకు స్క్రుట్ని పరీక్షలు జరిపి 30 మందిని ఎంపిక చేశారన్నారు. అందులో ధర్మవరం శ్రీ లలిత నాట్య కళానికేతన్‌ గురువులు బాబు బాలాజీ, కమల బాలాజీల కుమార్తె పివికెకె ఐటిలో బీటెక్‌ చదువుతున్న దుత్తలూరి రామలాలిత్య ఎంపిక అయ్యి సత్యభామ అవార్డు సొంతం చేసుకుందని తెలిపారు. ఈ విద్యార్థినిని కళాశాల ఛైర్మన్‌ పల్లె కిశోర్‌ అభినందించారు. రా
మ లాలిత్యకు కళాశాల తరఫున పూర్తి సహకారం అందిస్తున్నామని తెలిపారు. ఈ కార్యక్రమంలో కంప్యూటర్‌ సైన్స్‌ విభాగాధిపతి డా||భార్గవి, డిప్లొమా ప్రిన్సిపాల్‌ వైభవ్‌ పాల్గొన్నారు.
|
|