ఐపియల్ : బెంగళూరుపై గుజరాత్ విజయం
sports | Suryaa Desk | Published : Sat, Apr 30, 2022, 07:54 PM
ఐపీఎల్-2022లో గుజరాత్ టైటాన్స్ జట్టు విజయ పరంపర కొనసాగుతోంది. తమతో పోటీ పడిన ఏ జట్టైనా సరే వారిని విజయమే వరిస్తోంది. తాజాగా శనివారం రాయల్ ఛాలెంజర్స్ బెంగళూరు జట్టుతో జరిగిన మ్యాచ్‌లో 6 వికెట్ల తేడాతో విజయం సాధించింది. తొలుత బ్యాటింగ్ చేసిన బెంగళూరు జట్టు 20 ఓవర్లలో 6 వికెట్లు నష్టపోయి 170 పరుగులు చేసింది.
కోహ్లి(58), రజత్ పాటిదార్ (52), మ్యాక్స్‌వెల్ (33) పరుగులు సాధించారు. గుజరాత్ బౌలర్లలో సాంగ్వాన్ 2 వికెట్లు తీశాడు. షమీ, అల్జారీ జోసెఫ్, రషీద్ ఖాన్, ఫెర్గ్యూసన్ ఒక్కో వికెట్ చొప్పున తీశారు. అనంతరం 171 పరుగుల లక్ష్యంతో బరిలోకి దిగిన గుజరాత్ జట్టు 19.3 ఓవర్లలో 4 వికెట్లు నష్టపోయి లక్ష్యాన్ని ఛేదించింది. గుజరాత్ జట్టులో రాహుల్ తివాతియా (43*), డేవిడ్ మిల్లర్ (39*), శుభ్‌మన్ గిల్ (31), సాహా (29) పరుగులు చేశారు. దీంతో గుజరాత్ జట్టు చివరి ఓవర్‌లో విజయాన్ని అందుకుంది. బెంగళూరు బౌలర్లలో షాబాజ్ అహ్మద్, హసరంగా రెండేసి వికెట్లను సాధించారు.
|
|