యాదాద్రి లో స్వామి వారి జయంతి ఉత్సవాలు
Bhakthi | Suryaa Desk | Published : Thu, May 12, 2022, 01:17 PM
యాదగిరిగుట్ట శ్రీ లక్ష్మీ నరసింహస్వామి దేవస్థానము లో ఈ నెల 13నుంచి 15వరకు స్వామి వారి జయంతి ఉత్సవాలు నిర్వహించనున్నట్లు దేవస్థానము అధికారులు తెలిపారు. ఈ సందర్భంగా 13వ తేదీ స్వస్తి వాచనం, విష్వక్సేనపూజ, పుణ్యాహవచనం, రుత్విక్వరుణం కుంకుమార్చన, తిరు వేంకట పతి అలంకారం, సాయంత్రం అంకురార్పణ, మృత్సంగ్రహణం , గరుడవాహన సేవ పరవాసుదేవ అలంకారం 14వ తేదీ న నిత్య మూల మంత్రహవనంలు, లక్ష పుష్పార్చన, కాళీయ మర్దన అలంకారం, సాయంత్రం లక్ష్మీ నరసింహస్వామి మూల మంత్రహవనాలు హనుమంత వాహనంపై రామ అలంకారం15వ తేదీన ఉదయం 7గంటలనుంచి మూల మంత్ర హవనములు 9గంటల నుంచి 9: 30 గంటల వరకు పూర్ణాహుతి సహస్ర ఘటాభిషేకం. సాయంత్రం నరసింహ జయంతి, నరసింహ ఆవిర్భావం, జరుపబడును. కావునా ఈ ఉత్సవాలు జరిగే ఈ మూడు రోజుల పాటు భక్తులచే జరిపించే సుదర్శన హోమాలు, నిత్య కళ్యాణం , శాశ్వత బ్రహ్మోత్సవాలు జరపబడవని దేవస్థానము అధికారులు తెలిపారు.
|
|