ఒక్క ఏనుగు చనిపోతే ఎంతో మంది చలించిపోతున్నారు

ఆసియాలోనే అత్యంత పొడవైన దంతాలు కలిగిన ఏనుగు చనిపోయింది. భోగేశ్వర అని పిలుచుకునే ఏనుగు ప్రాణాలు కోల్పోవడాన్ని వన్యప్రాణి ప్రేమికులు జీర్ణించుకోలేకపోతున్నారు. భోగేశ్వర మృతిపై చాలామంది సంతాపం వ్యక్తం చేస్తున్నారు. వన్యప్రాణి ప్రేమికులు సోషల్ మీడియాలో తమ బాధను వ్యక్త పరించారు. ఏనుగు గంభీరమైన నడకను స్మరించుకున్నారు. పలువురు అధికారులు ఏనుగు మృతిపై స్పందించారు. భోగేశ్వరుడు మృతి బాధ కలిగించిందని, ఏనుగు తన పొడవైన దంతాలతో పర్యాటకులను విశేషంగా ఆకర్షించిందని కేంద్ర సహాయ మంత్రి శోభా కరంద్లాజే ట్వీట్ చేశార జూన్ 11న బందీపూర్-నాగర్‌హోల్ రిజర్వ్ ఫారెస్ట్‌లోని కబిని రిజర్వాయర్ సమీపంలో భోగేశ్వర ఏనుగు నిర్జీవంగా కనిపించింది. భోగేశ్వర అనారోగ్యంతో మృతి చెందింది.

భోగేశ్వరను మిస్టర్ కబిని అని కూడా పిలుస్తారు. ఈ ఏనుగు వయస్సు 70 ఏళ్లు. అంత్యంత పొడవైన దంతాలతో భోగేశ్వర్ పర్యాటకులందరినీ అలరించేది. అందరి దృష్టిని ఆకర్షించేది. ఆ ఏనుగు మృతి చెందండంతో అందరిని కలచివేస్తోంది. ఇక ఏనుగు మృతదేహానికి పోస్ట్‌మార్టం నిర్వహించామని కర్ణాటకలోని బందీపూర్ టైగర్ రిజర్వ్ డైరక్టర్ రమేష్ కుమార్ తెలిపారు. ఎగ్జిబిషన్ సెంటర్‌లో ఏనుగు దంతాలను భద్రపరచడానికి అనుమతి పొందాలని అటవీశాఖ యోచిస్తోంది.

భోగేశ్వర దంతాల్లో ఒకటి 2.54 మీటర్లు (8 అడుగులు) పొడవు, మరొకటి 2.34 మీటర్లు (7.5 అడుగులు) ఉంటాయి. రెండు దంతాలు దాదాపుగా నేలను తాకే విధంగా ఉండేవి. భోగేశ్వర్ శిబిరం సమీపంలో దేవాలయం దగ్గర ఆ ఏనుగు తరచుగా కనిపిస్తుండేది. దాంతో అటవీ శాఖ సిబ్బంది దానికి భోగేశ్వర అని పేరు పెట్టారు. భోగేశ్వర దంతాల నమూనాలను మైసూరులోని ప్రాంతీయ ఫోరెన్సిక్ సైన్స్ ల్యాబరేటరీకి పంపించారు. ఏనుగు సహజ కారణాలతోనే, అనారోగ్యంతో చనిపోయినట్టు అధికారులు గుర్తించారు. అలాగే ఏనుగు శరీరంపై ఎటువంటి గాయాలకు సంబంధించిన గుర్తులు లేవని తేల్చారు.