గత మూడేళ్లుగా బీజేపీకి మద్దతు ఇస్తూనే ఉన్నాం: వైసీపీ ఎంపీ కోటగిరి
Andhra Pradesh Telugu | Suryaa Desk | Published : Tue, Jul 05, 2022, 02:21 PM
గత మూడేళ్లుగా బీజేపీకి మద్దతు ఇస్తూనే ఉన్నామని.. ఇప్పటికే పలు సందర్భాల్లో బీజేపీకీ ప్రత్యక్షంగా మద్దతు ప్రకటించామని ఏలూరు ఎంపీ కోటగిరి శ్రీధర్ అన్నారు. బీజేపీ కి వైసీపీ మద్దతు ఇస్తుండడంలో ఎటువంటి దాపరికం లేదన్నారు. మంగళవారం తిరుమల శ్రీవారిని ఎంపీ దర్శించుకున్నారు.. అనంతరం ఆసక్తికర వ్యాఖ్యలు చేశారు. బీజేపీకి మద్దతు ఇస్తుండడం వల్లే రాష్ట్రానికి కేంద్రం సహాయ సహకారాలు అందిస్తోందని.. రాష్ట్రానికి ప్రత్యేక హోదా కోసం జగన్ తన వంతు ప్రయత్నం చేస్తున్నారన్నారు. కచ్చితంగా ప్రత్యేక హోదా సాధిస్తామని ఆశాభావం వ్యక్తం చేశారు. మరోవైపు విభజన వల్ల దెబ్బతిన్న రాష్ట్రానికి సాయం అందించాలని.. తిరిగి కోలుకునేందుకు ప్రత్యేక హోదా ఇవ్వాలని ప్రధాని మోదీని ఏపీ సీఎం వైఎస్‌ జగన్మోహన్‌రెడ్డి కోరారు. పోలవరం ప్రాజెక్టు నిర్మాణానికి సాయం అందించాలని విజ్ఞప్తి చేశారు. మరికొన్ని అంశాలను ప్రధాని దృష్టికి తీసుకెళ్లారు. విప్లవ వీరుడు అల్లూరి సీతారామ రాజు జయంతి ఉత్సవాల సందర్భంగా భీమవరంలో నిర్వహించిన కార్యక్రమం అనంతరం గన్నవరం ఎయిర్ పోర్టు నుంచి బయల్దేరుతుండగా జగన్ వీడ్కోలు పలికారు. ఏపీకి సంబంధించిన పలు అంశాలపై ప్రధాని మోదీకి ఓ మొమోరాండం అందజేశారు.
|
|