అమ్మో కారా...పాకిస్థానీలకు షాక్ కు గురిచేస్తున్న ధరలు

కారు కొన్నాలంటే ఈ రోజుల్లో పెద్ద విషయం  ఏమీ కాదు. ఇది ఎవరైనా చెప్పేమాట. కానీ పాకిస్థాన్ లో మాత్రం కార్ కొన్నడం అంటే ఎందో పెద్ద సాహసం చేయడమేనని అక్కడి పరిస్థితులు తెలియజేస్తున్నాయి. పాకిస్తాన్‌లో కార్ల ధరలు దారుణంగా పెరిగాయి. టయోటా ఫార్చ్యూనర్ లెజెండర్ ధర అక్కడ కోటిన్నరకు పైగా ఉంది. ఈ పాపులర్ ఎస్‌యూవీపై టయోటా కంపెనీ ఏకంగా రూ.31 లక్షల మేర ధర పెంచింది. కేవలం టయోటా మాత్రమే కాక.. ఇతర ఆటో కంపెనీలు కూడా ఆ దేశంలో వెహికిల్స్ రేట్లను పెంచాయి. పాకిస్తాన్ కరెన్సీ భారీగా పడిపోవడం, దానికి తోడు పెరిగిన పన్నుల మూలంగా ఆటో కంపెనీలు ధరలను పెంచాయి.

ఫార్చ్యూనర్ ధర మాత్రమే కాక.. మారుతీ సుజుకి ఆల్టో ధర అక్కడ సుమారు రూ.18 లక్షలు పలుకుతోంది. ఈ కారు టాప్ వేరియంట్ ధర అక్కడ రూ.24 లక్షలుగా ఉంది. మారుతీ సుజుకి ఈ వాహనంపై రూ.3.8 లక్షల మేర ధర పెంచడంతో.. ఆల్టో ధర భారీగా పెరిగింది. ఇదే వెహికిల్ ధర భారత్‌లో ఎక్స్‌షోరూంలో రూ.3.9 లక్షలు మాత్రమే. టయోటా ఫార్చ్యూనర్ లెజెండర్ అనేది ఫార్చ్యూనర్ ఎస్‌యూవీకి చెందిన టాప్ లైన్ వేరియంట్. ఫార్చ్యూనర్ లెజెండర్ 4x4 వేరియంట్‌ను కంపెనీ భారత్‌లో రూ.42.33 లక్షలకు లాంచ్ చేసింది.

పాకిస్తాన్ దేశం ప్రస్తుతం తీవ్ర ఆర్థిక సంక్షోభాన్ని ఎదుర్కొంటోంది. అన్ని రంగాలు ఈ దెబ్బకు కుదేలవుతున్నాయి. ఆటో ఇండస్ట్రీ కూడా దీనికి మినహాయింపు ఏమీ కాదు. పాకిస్తాన్ రూపాయి వాల్యూ భారీగా డీవాల్యూయేషన్ కావడంతో.. ఈ ధరలు పెరిగాయి. అక్కడ ప్రభుత్వం కూడా పన్నులను, డ్యూటీలను పెంచింది. 1,300 సీసీ, ఆపైన వెహికిల్స్ అన్నింటిపై క్యాపిటల్ వాల్యూ ట్యాక్స్‌ను విధిస్తున్నట్టు పాకిస్తాన్ ప్రభుత్వం ప్రకటించింది. దీంతో పాటు ప్రపంచవ్యాప్తంగా ముడి సరుకుల ధరల పెరిగాయి. రవాణా ఖర్చులు ఎగిసింది. ఇవన్ని వెరసి ఆటో తయారీ కంపెనీలపై పడ్డాయి. దీంతో కార్ల ధరలు భారీగా పెరిగాయి.