హెచ్‌డీఎఫ్‌సీ వాట్సాప్ సేవలకై ఇలా చేయండి

మారుతున్న సాంకేతికత వైపు అందరూ పరుగులు తీస్తున్నారు. ఎలాంటి కష్టంలేకుండా, కాలు బయటికి మోపకుండా సాంకేతికతతో బ్యాంకింగ్ సేవలు  నేడు అందుబాటులో ఉన్నాయి. దేశంలో ఉన్న అతిపెద్ద బ్యాంకులన్ని దాదాపు తమ బ్యాంకింగ్ సర్వీసులను వాట్సాప్ ద్వారా అందజేస్తున్నాయి. వాట్సాప్ బ్యాంకింగ్ సర్వీసులను ఆఫర్ చేస్తున్నాయి. కస్టమర్లకు ఇవి భారీ ఊరటనిస్తున్నాయి. ప్రైవేట్ దిగ్గజమైన హెచ్‌డీఎఫ్‌సీ బ్యాంకు కూడా వాట్సాప్ బ్యాంకింగ్ సేవలను అందజేస్తోంది. హెచ్‌డీఎఫ్‌సీ బ్యాంకు తాజాగా చేసిన ట్వీట్ ప్రకారం.. 90కి పైగా బ్యాంకింగ్ సేవలను వాట్సాప్‌పై అందిస్తున్నట్టు తెలిపింది. ‘స్మార్ట్ ఛాట్ అసిస్ట్, 90కి పైగా బ్యాంకింగ్ సర్వీసులు ఇక ఇప్పుడు మీరు చేతుల్లోనే. వాట్సాప్‌పై అందిస్తోన్న సరికొత్త హెచ్‌డీఎఫ్‌సీ బ్యాంకు ఛాట్ బ్యాంకింగ్ ద్వారా వీటిని పొందొచ్చు. దీని కోసం 7070022222కి హాయ్ చెబితే చాలు’ అని హెచ్‌డీఎఫ్‌సీ బ్యాంకు ట్వీట్ చేసింది. ఈ సర్వీసులను హెచ్‌డీఎఫ్‌సీ బ్యాంకు పూర్తిగా ఉచితంగా అందజేస్తుంది. దీని కోసం ఎలాంటి ఛార్జీలను విధించదు.

బ్యాంకు వద్ద రిజిస్టర్డ్ అయిన మొబైల్ నెంబర్‌ నుంచి 7070022222కి హాయ్ లేదా రిజిస్టర్ అని మెసేజ్ పంపండి. హాయ్ పంపిన తర్వాత రిజిస్ట్రేషన్ ప్రొసీజర్‌కి మిమ్మల్ని రీడైరెక్ట్ చేస్తుంది. ఛాట్ బ్యాంకింగ్ నెంబర్ 7070022222ను మీ కాంటాక్ట్స్‌లో సేవ్ చేసుకోవాలి. రిజిస్ట్రేషన్ ప్రొసీజర్‌లో మీ కస్టమర్‌ ఐడీకి చెందిన చివరి నాలుగంకెలు, రిజిస్టర్డ్ మొబైల్ నెంబర్‌కి వచ్చిన వన్ టైమ్ పాస్‌వర్డ్‌ను నమోదు చేయాలి.

స్టెప్ 2.. కింద పేర్కొన్న ఆప్షన్లను ఎంపిక చేసుకోవాలి..

అకౌంట్ సర్వీసెస్

క్రెడిట్ కార్డు సర్వీసెస్

ప్రొడక్ట్స్‌కి అప్లయి

మరిన్ని సర్వీసులు

స్టెప్ 3.. బ్యాలెన్స్ చెక్ చేసుకునేందుకు, లావాదేవీలు, ఇతరాత్ర వాటి కోసం అకౌంట్ సర్వీసెస్‌ను క్లిక్ చేయాలి. దాని కింద ఈ కింద సేవలు అందుబాటులో ఉంటాయి.

బ్యాలెన్స్ ఎంక్వైరీ

7 రోజుల లావాదేవీలు

అకౌంట్ స్టేట్‌మెంట్

మల్టిపుల్ అకౌంట్లుంటే.. మీకు ఏ అకౌంట్ వివరాలు కావాలో.. ఆ అకౌంట్ నెంబర్‌కి చెందిన చివరి నాలుగంకెలు నమోదు చేయాలి.

స్టెప్ 4.. మీకు కావాల్సిన సర్వీసులను క్లిక్ చేయండి.

పూర్తిగా సురక్షితం..

వాట్సాప్ ద్వారా హెచ్‌డీఎఫ్‌సీ బ్యాంకు అందించే ప్రతి సర్వీసు కూడా పూర్తిగా సురక్షితంగా ఉంటుంది. ఎండ్ టూ ఎండ్ ఎన్‌క్రిప్టెడ్‌ను ఆఫర్ చేస్తుంది. బ్యాంకు వద్ద రిజిస్టర్ అయిన మొబైల్‌ నెంబర్‌కి మాత్రమే ఈ సేవలను అందిస్తుంది. సరికొత్త హెచ్‌డీఎఫ్‌సీ బ్యాంకు ఛాట్ బ్యాంకింగ్ ద్వారా జరిపే ప్రతి లావాదేవీ, ఛాట్ కూడా పూర్తిగా సురక్షితమని, ఎండ్ టూ ఎండ్ ఎన్‌క్రిప్షన్‌ను కలిగి ఉంటాయని బ్యాంకు క్వశ్చన్ అండ్ ఆన్సర్ సెక్షన్‌లో తెలిపింది. మీ అకౌంట్ సమాచారాన్ని కానీ, ఛాట్‌ని కానీ ఎవరికి షేర్ చేయమని చెప్పింది.