సాఫ్ట్‌వేర్ సుధీర్ ట్రైలర్‌ లంచ్....

జ‌బ‌ర్ద‌స్త్  కామెడీ షో తో  తెలుగు సినిమా ఇండ‌స్ట్రీకి చాలా మంది కొత్త న‌టీన‌టులు ప‌రిచ‌యం అయ్యారు. క‌మెడియ‌న్లు అనే కంటే కూడా మంచి న‌టులే ఇండ‌స్ట్రీకి వ‌చ్చారు. వాళ్లు సినిమాల‌తో కూడా బిజీగా ఉన్నారు. ఒక్కొక్క‌రు కామెడీ ఆర్టిస్టులుగానే కాకుండా హీరోలు కూడా అవుతున్నారు. ఇప్ప‌టికే చ‌మ్మ‌క్ చంద్ర‌, ధ‌న్ రాజ్, రంగ‌స్థ‌లం మ‌హేష్ లాంటి వాళ్లు హీరోలుగా చేసారు. ఇక ఇప్పుడు సుడిగాలి సుధీర్ కూడా హీరో అవుతున్నాడు. చాలా రోజుల నుంచి ఈ వార్త‌లు వ‌స్తున్నాయి. అయితే ఎప్పుడు చేస్తాడు.. ఎవ‌రితో చేస్తాడు అనేది మాత్రం ప్ర‌శ్నార్థ‌కంగానే ఉంది. జ‌బ‌ర్ద‌స్త్ కామెడీ షో నుంచే కాకుండా బ‌య‌ట కూడా సుడిగాలి సుధీర్ మంచి ఇమేజ్ తెచ్చుకున్నాడు. మిగిలిన వాళ్ల‌కు లేనంత ఫాలోయింగ్ ఈయ‌న‌కు ఉంది. కేవ‌లం కామెడీ ఆర్టిస్టుగానే కాకుండా యాంక‌ర్, మెజీషియ‌న్ ఇలా చాలా చేస్తున్నాడు సుధీర్. ఇవ‌న్నీ చూసి ఈయ‌న క్రేజ్ పెరిగిపోయింది. ఈయ‌న కోసం రాజశేఖర్ రెడ్డి పులిచర్ల క‌థ సిద్ధం చేసాడు. ఈయనతోనే సినిమా చేస్తున్నాడు కూడా. ఇప్పటికే షూటింగ్ కూడా చివరిదశకు వచ్చేసింది. తాజాగా ఈ చిత్ర ట్రైలర్ విడుదలైంది. దీనిపేరు సాఫ్ట్‌వేర్ సుధీర్. ట్రైలర్‌లో మాస్ హీరో రేంజ్‌లో ఎంట్రీ ఇచ్చాడు సుధీర్. సాఫ్ట్‌వేర్ సుధీర్ సినిమా కోసమే సుధీర్ గెటప్ కూడా మార్చేసాడు. ఇదిలా ఉంటే గతంలోనే సుడిగాలి సుధీర్ హీరోగా ఓ సినిమా వ‌చ్చింది. అయితే అది విడుద‌ల కాలేదు. క‌నీసం అలాంటి ఓ సినిమా చేసిన‌ట్లు కూడా తెలియ‌దు. గతంలోనూ జబర్దస్త్ కమెడియన్లు హీరోలుగా చేసినా కూడా పెద్దగా వర్కవుట్ కాలేదు. కానీ ఇప్పుడు సుధీర్ మాత్రం సక్సెస్ అందుకుంటానంటున్నాడు. ఇందులో దివంగత శివప్రసాద్ కూడా నటించడం విశేషం. మ‌రి ఈ జ‌బ‌ర్ద‌స్త్ క‌మెడియ‌న్ టీవీల్లో మాదిరే సినిమాల్లో కూడా రాణిస్తాడేమో చూడాలిక‌.