అక్కడ తమన్నాకి కలిసి రాలేదు !
cinema | Suryaa Desk | Published : Tue, Oct 15, 2019, 07:23 PM
ప్రస్తుతం తమిళంలో తమన్నా చేసిన కొత్త చిత్రం ‘పెట్రోమాక్స్’. తెలుగులో 2017లో వచ్చిన ‘ఆనందో బ్రహ్మ’ చిత్రానికిది రీమేక్. తెలుగులో తాప్సీ నటించింది. మహి వి రాఘవ్ డైరెక్ట్ చేసిన ఈ చిత్రం మంచి విజయాన్ని అందుకుంది. ఒకరకంగా తెలుగులో తాప్సీని నిలబెట్టింది ఈ చిత్రమే అనాలి. అప్పటి వరకు వరుస పరాజయాల్లో ఉన్న ఆమెకు మళ్లీ పాజిటివ్ క్రేజ్ క్రియేట్ అయ్యేలా చేసింది ఈ సినిమా. అలాంటి సినిమానే ఇప్పుడు తమన్నా రీమేక్ చేసింది. రోహిన్ డైరెక్ట్ చేసిన ఈ చిత్రం గత శుక్రవారం విడుదల అయింది. అయితే ఈ సినిమాపైనే బోలెడు ఆశలు పెట్టుకున్న తమన్నాకి నిరాశే మిగిలింది. ఎందుకంటే ఈమధ్య తమిళంలో తమన్నా చేసిన సినిమాలేవీ పెద్దగా ఆడలేదు. దీంతో ఆమె హోప్స్ అన్నీ ఈ హర్రర్ కామెడీ చిత్రం మీదే పెట్టుకుంది, కానీ పాపం కలిసిరాలేదు. తాప్సీని నిలబెట్టిన ఈ చిత్రం మిల్కీ బ్యూటీకి మాత్రం ప్లాప్ నే ఇచ్చింది.
|
|