మిస్టేక్ – ఒక తప్పు టీజర్ విడుదల
cinema | Suryaa Desk | Published : Sat, Oct 26, 2019, 01:44 AM
సంతోష్ చరణ్ దర్శకుడిగా, వికాస్ దేవరకొండ సినిమాటోగ్రాఫర్ గా న్యూ జీల్యాండ్ లో ప్రవాస తెలంగాణ వాసులు నిర్మిస్తున్న మిస్టేక్ – ఒక తప్పు అనే థ్రిల్లర్ ఆంగ్ల చిత్రం తెరకెక్కింది. శుక్రవారం ఈ చిత్రానికి సంబందించిన టీజర్ విడుదల అయ్యింది. ఇటీవలే షూటింగ్ పూర్తి చేసుకొని, పోస్ట్ ప్రొడక్షన్ శరవేగంగా జరుపుకొని న్యూ జీల్యాండ్, ఫిజి దేశాలలో డిసెంబర్ నెల మొదటి వారంలో విడుదలకు సిద్ధమవుతోంది. ఈ చిత్రం లో న్యూ జీల్యాండ్, ఫిజి నటి, నటులు ముఖ్య భూమికలు పోషించారు. ఒక ఆగంతకుడు/ఉన్మాది , ఒక మహిళ ఇంట్లోకి చొరబడి, ఆమెను భయ భ్రాంతులకు గురి చేసి బంధిస్తాడు. అనంతరం మహిళా ఎలా ఉన్మాది పైన పోరాటం చేసి ప్రాణాలు కాపాడుకుంటుందనే కథాంశం తో ప్రేక్షకులను ఆద్యంతం ఉత్కంఠకు గురి చేసే విధంగా రూపొందించామని దర్శకుడు తెలిపారు. ఈ చిత్ర సంగీత దర్శకుడిగా విజయ్ కురకాల వ్యవహరిస్తున్నారు.
|
|