IT ఉద్యోగి ఫ్రస్ట్రేషన్: 5 ఏళ్లు పని చేసిన తర్వాత జీతం తగ్గింది!

సాఫ్ట్‌వేర్ ఉద్యోగం అంటే చాలామందికి ఏసీ గదులు, లక్షల జీతాలు, విలాసవంతమైన జీవితం అని కనిపిస్తుంది. కానీ ఆ గ్లామర్ వెనుక ఉన్న సాకారం వాస్తవం వేరేలా ఉందని తాజాగా టాటా కన్సల్టెన్సీ సర్వీసెస్ (TCS) ఉద్యోగి సోషల్ మీడియా వేదికగా పంచుకున్న తన అనుభవం చెబుతోంది.ఐదేళ్ల క్రితం ప్రారంభించిన జీతం పెరగడం బదులు తగ్గిపోవడం చూసి, ఐటీ రంగంలోని దిగువ స్థాయి ఉద్యోగుల పరిస్థితి ఎంత దారుణంగా ఉందో స్పష్టమవుతోంది. ప్రతిరోజూ కష్టపడి పనిచేస్తూ కూడా జీతం తగ్గించబడి, ఇతర కంపెనీకి మారడం సైతం పెద్ద సమస్యగా మారిందని అతను వాపోయాడు.
*వైరల్ అవుతున్న పోస్ట్ :TCS జావా డెవలపర్ చేసిన సోషల్ మీడియా పోస్ట్ ప్రస్తుతం ఐటీ వర్గాల్లో పెద్ద సంచలనంగా మారింది. 2019లో టీసీఎస్‌లో చేరినప్పుడు నెల జీతం రూ.25,000 అని, ఐదున్నర ఏళ్ల తర్వాత ఇది కేవలం రూ.22,800కి మాత్రమే తగ్గిందని అతను తెలిపాడు. అనుభవం పెరిగినా జీతం పెరగకపోవడం, అప్రైజల్ లేకపోవడం అతనికి తీవ్ర నిరాశను కలిగించింది.“2020లో చేరినప్పుడు జీతం రూ.25,000 ఉండగా ఐదు ఏళ్ల తర్వాత రూ.22,800కి చేరింది. పని పర్ఫార్మెన్స్ మెరుగైనప్పటికీ ఎలాంటి అప్రైజల్ ఇవ్వలేదు. ఉద్యోగం మారడానికి ప్రయత్నించాను, కానీ లాభం లేకుండా పోయింది. ఇంటర్వ్యూలు పూర్తి చేసినా, హెచ్ఆర్‌తో మాట్లాడినప్పటికీ సమస్య పరిష్కారం లేదు. జీతం పే స్లిప్స్ చూపిన తర్వాత వారు మాట్లాడడం మానేశారు,” అని అతను పేర్కొన్నారు. ఈ పోస్ట్ ఇప్పుడు ఐటీ ఉద్యోగుల జీతం, అప్రైజల్ సమస్యలను ప్రతిబింబిస్తోంది.
-TCSలో పరిస్థితి :తగ్గింపు వెనుక ప్రధాన కారణం కంపెనీ అమలు చేస్తున్న కొత్త నిబంధనలు. చాలా ఐటీ కంపెనీలు ప్రాజెక్ట్ పర్ఫార్మెన్స్ లేదా కంపెనీ లాభాల పేరుతో వేరియబుల్ పేలో కోత విధిస్తున్నాయి. TCS వర్క్ ఫ్రమ్ హోమ్ ముగించి ఆఫీస్‌కి రావాలని కఠిన నిబంధనలు పెట్టింది. ఆఫీస్‌కి రాకపోతే జీతంలో కోత ఉంటుందని ఇప్పటికే హెచ్చరించింది.ఫ్రెషర్ల జీతాలు గత 10–15 ఏళ్లుగా దాదాపు ఒకేలా ఉన్నాయి (3.5–4 LPA). పెరుగుతున్న ద్రవ్యోల్బణం, జీవన వ్యయం తోల్చితే ఈ జీతాలు తీరని పరిస్థితిలో ఉన్నాయని ఉద్యోగులు ఫిర్యాదు చేస్తున్నారు.ఒకవైపు ఐటీ దిగ్గజాలు కోట్ల కోట్ల లాభాలను ప్రకటిస్తున్నప్పటికీ, ఫీల్డ్‌లో పని చేసే ఉద్యోగుల జీవితాలు చాలా కష్టకరంగా మారాయి. బెంగళూరు, హైదరాబాద్ వంటి నగరాల్లో అద్దెలు, ఖర్చులు రెట్టింపు అయ్యాయి. ఐదేళ్ల అనుభవం ఉన్నా రూ.22 వేల జీతంలో జీవించడం అసాధ్యమని ఉద్యోగులు వాదిస్తున్నారు. ఆర్టిఫిషియల్ ఇంటెలిజెన్స్ (AI) భయం, తక్కువ జీతాలు ఉద్యోగులను మానసిక ఒత్తిడికి గురిచేస్తున్నాయి.