ఇంట్లోనే తెల్ల జుట్టును నల్లగా మార్చే సింపుల్ చిట్కా

ఈ రోజుల్లో చాలా మంది జీవనశైలికి సంబంధించిన అనేక సమస్యల్ని ఎదుర్కొంటున్నారు. అలాంటి వాటిలో తెల్ల జుట్టు సమస్య ఒకటి. చాలా మందికి చిన్న వయసులోనే జుట్టు నెరిసిపోతుంది. మారుతున్న జీవనశైలి, పొల్యూషన్, పని ఒత్తిడి కారణంగా చాలా మందికి తెల్ల జుట్టు ఒక సమస్యగా మారింది. నిండా ముప్పై నిండక ముందే మొత్తం తెల్ల జుట్టుతో బాధపడుతున్నారు.

ఇక తెల్ల జుట్టును నల్లగా మార్చుకోవడానికి అనేక మార్కెట్ ప్రొడక్స్, కెమికల్ డైలు వాడుతున్నారు. అయితే, వీటిలో రసాయనాలు ఎక్కువగా ఉంటాయి. వీటిని వాడటం వల్ల తాత్కాలికంగా జుట్టును నల్లగా మార్చుకోవచ్చు. అయితే, దీర్ఘకాలికంగా కొన్ని సైడ్ ఎఫెక్ట్స్ ఉండొచ్చు. జుట్టు నిర్జీవంగా మారడం, ఊడిపోవడం, పొడి బారడం వంటి సమస్యలు తలెత్తుతాయి. అయితే, కొన్ని ఇంటి నివారణలు అద్భుతంగా పనిచేస్తాయి. అలాంటి ఓ నివారణ గురించి ఆయుర్వేద డాక్టర్ ఏక్తా షేర్ చేసుకున్నారు. సహజంగా తెల్ల జుట్టును నల్లగా ఎలా మార్చుకోవాలో ఇప్పుడు తెలుసుకుందాం.

 ఆయుర్వేద డాక్టర్ చెప్పిన ఫార్ములా ఏంటి?

తెల్ల జుట్టును నల్లగా మార్చడానికి ఆయుర్వేద డాక్డర్ ఏక్తా ఓ సహజ ఫార్ములా షేర్ చేసుకోవచ్చు. దీనిని ఎవరైనా సరే ప్రయత్నించవచ్చు. ఈ చిట్కా కోసం కొన్ని సహజ పదార్థాలు అవసరం.

​ఒక కప్పు హెన్నా పొడి

ఒక టీస్పూన్ కాఫీ పొడి

ఒక చెంచా కుంకుడుకాయల పొడి

ఒక టీస్పూన్ మెంతులు

ఒక టీస్పూన్ ఉసిరి పొడి

ఒక టీస్పూన్ బ్రాహ్మీ పౌడర్

పెరుగు

ఆయుర్వేద డాక్టర్ చెప్పిన చిట్కా

​తయారీ విధానం

ముందుగా పైన చెప్పిన అన్ని పదార్థాల్ని కలిపి ఒక పొడిలా చేసి పక్కన పెట్టుకోండి. దీన్ని అప్లై చేయాలనుకున్నప్పుడల్లా.. ఈ పొడిని ఒకటి నుంచి రెండు టీస్పూన్లు పెరుగుతో కలిపి పేస్టులా చేసుకోండి. ఆ తర్వాత ఈ పేస్టును జుట్టు మూలాలకు అప్లై చేయండి. ఒక గంటసేపు అలాగే ఉంచండి. ఆ తర్వాత షాంపూ లేకుండా జుట్టును సాధారణ నీటితో కడగాలి. మీరు వారానికి ఓ సారి ఈ చిట్కాను ట్రై చేస్తే మీ జుట్టు నల్లబడటం మాత్రమే కాకుండా జుట్టు రాలడం కూడా క్రమంగా తగ్గుతుంది. హెన్నా, కుంకుడుకాయ, కాఫీ కలయిక తెల్ల రంగును తొలగించి.. సహజంగా నల్లగా మారడానికి సాయపడుతుంది.

జుట్టు సంరక్షణకు ఉసిరి, బ్రాహ్మీ ఉత్తమ కలయిక

ఆరోగ్యకరమైన జుట్టుకు ఉసిరి, బ్రాహ్మీ కలయిక మంచి ఆప్షన్ అని నిపుణులు అంటున్నారు. ఈ రెండింటిని కలిపి పూయడం వల్ల ఆరోగ్యకరమైన జుట్టు పెరుగుతుంది.

ఉసిరి పొడి జుట్టు మూలాల్ని బలోపేతం చేస్తుంది. బ్రాహ్మి పౌడర్ పొడిబారిన, బలహీనమైన జుట్టును సిల్కీగా, నునుపుగా, బలంగా మార్చడానికి సాయపడుతుంది. బ్రాహ్మిలో యాంటీఆక్సిడెంట్లు, ఖనిజాలు పుష్కలంగా ఉంటాయి. ఇవి చీలిక చివర్లను సరిచేయడానికి సాయపడతాయి.

హెన్నా, కాఫీ కలయిక

జుట్టు నల్లబడటానికి హెన్నా, కాఫీ కాంబినేషన్ కూడా బెస్ట్ ఆప్షన్ అంటున్నారు నిపుణులు. జుట్టుకు ఎర్రటి-గోధుమ రంగును ఇచ్చే హెన్నాకు బ్లాక్ కాఫీ కలిపినప్పుడు, అది జుట్టుకు నల్ల రంగును ఇస్తుంది. దీన్ని ఉపయోగించడానికి.. చల్లబడిన తర్వాత ఒక కప్పు బ్లాక్ కాఫీలో హెన్నా పౌడర్ కలిపి మందపాటి పేస్టులా తయారు చేసుకోండి. ఈ పేస్ట్‌ను రాత్రంతా అలాగే ఉంచి, మరుసటి రోజు మీ జుట్టుకు అప్లై చేసి ఒక గంట పాటు అలాగే ఉంచండి. తర్వాత జుట్టును వాష్ చేసుకోవాలి.

గుర్తించుకోవాల్సిన విషయాలు

సహజ నివారణల్ని రెగ్యులర్‌గా పాటిస్తే మంచి ఫలితాలు ఉంటాయి.

ఐరన్, విటమిన్ బి12, ప్రోటీన్లు అధికంగా ఉండే సమతుల్య ఆహారం తీసుకోండి. ఇవి జుట్టుకు తగిన బలాన్ని అందించడమే కాకుండా లోపలి నుంచి తగిన పోషణ ఇస్తాయి.

ఒత్తిడిని తగ్గించుకోండి. ఎందుకంటే మానసిక ఒత్తిడి వల్ల కూడా జుట్టు నెరిసిపోతుంది. ఒత్తిడి తగ్గించుకోవడానికి వ్యాయామం, యోగాను లైఫ్‌స్టైల్‌లో భాగం చేసుకోండి. ప్రాణాయామం, ధ్యానం వంటివి ఒత్తిడిని తగ్గించడానికి సాయపడతాయి.

తగినంత నిద్ర కూడా చాలా ముఖ్యమని గుర్తించుకోండి. రోజుకు కనీసం ఏడు నుంచి ఎనిమిది గంటలు నిద్రపోయేలా ప్లాన్ చేసుకోండి. తగినంత నీరు కూడా తాగండి. డీహైడ్రేషన్ వల్ల జుట్టు దెబ్బతినే అవకాశం ఉంటుంది. రోజుకు కనీసం 2.5 నుంచి 3 లీటర్ల నీరు తాగండి.